fbpx
Laugardagur 25.maí 2019
Eyjan

Drífa íhugar að hvetja til sniðgöngu: „Munum virkja verðlagseftirlit ASÍ mjög hressilega“

Ritstjórn Eyjunnar
Þriðjudaginn 23. apríl 2019 11:06

Ekki missa af Helstu tíðindum dagsins í pósthólfið þitt

Lesa nánar

Drífa Snædal, forseti ASÍ, sagði við Morgunútvarp Rásar 2 í morgun að þær hækkanir á vöruverði sem boðaðar hafi verið af fyrirtækjum í kjölfar kjarasamninga, gætu orðið til þess að ASÍ myndi hvetja til þess að almenningur sniðgangi vörur frá þeim fyrirtækjum.

Nú þegar hafa margir hvatt til sniðgöngu á vörum frá heildsölufyrirtækinu Íslenska Ameríska á samfélagsmiðlum, en fyrirtækið boðaði um helgina 3,9 prósenta hækkun á öllum vörum frá Myllunni, Frón, Kexverksmiðjunni og Ora, ásamt mýmörgum erlendum vörumerkjum.

„Fyrirtæki verða líka að hafa það í huga að neytendavitund er að vaxa mjög mikið þannig að fólk er meðvitaðra um það en áður við hvaða fyrirtæki það er að versla. En ég reikna að með þvi að við munum virkja verðlagseftirlit ASÍ mjög hressilega og upplýsa okkar félagsmenn um það hvaða fyrirtæki sýna ábyrgð og hver ekki,“

sagði Drífa.

Þá sagði Ólafur Stephensen, framkvæmdastjóri Félags atvinnurekenda, að slíkar hækkanir væru misráðnar:

„Þessir samningar eru reistir á forsendum um að halda verðbólgu niðri. Um að kaupmáttur aukist, Um að vaxtastigið lækki. Það gerist að sjálfsögðu ekki með því að launahækkanir fari beint út í verðlagið. Þannig að við höfum hvatt okkar félagsmenn til þess að, og ég held að þeir hugsi flestir á þeim nótum, að horfa frekar til leiða til að lækka kostnað hjá sér með einhverjum öðrum ráðum en að velta hækkunum út í verðlagið.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 23 klukkutímum

Nýtt málþófsmet hjá Miðflokknum

Nýtt málþófsmet hjá Miðflokknum
Eyjan
Í gær

Sigmundur Davíð: „Ég er ánægður með að það hafi komið eðlileg niðurstaða í málið“

Sigmundur Davíð: „Ég er ánægður með að það hafi komið eðlileg niðurstaða í málið“
Eyjan
Í gær

Úrskurður Persónuverndar í Klaustursmáli Báru Halldórsdóttur – Upptökur ólöglegar en ekkert samsæri

Úrskurður Persónuverndar í Klaustursmáli Báru Halldórsdóttur – Upptökur ólöglegar en ekkert samsæri
Eyjan
Í gær

Útrásarvíkingar toppuðu Everest – Lýður náði alslemmu – Tveir létu lífið

Útrásarvíkingar toppuðu Everest – Lýður náði alslemmu – Tveir létu lífið