Það virðist stappa nærri landráðum að nefna sæstreng þessa dagana. Fyrirvarar varðandi orkupakka þrjú ganga út á að útiloka að lagður verði sæstrengur.
En einu sinni þótti sæstrengur býsna góð hugmynd. Sigmundur Davíð sem þá var forsætisráðherra og kollegi hans breskur, David Cameron, sátu á rökstólum um sæstreng.
Og forseti Íslands, sem þá var, Ólafur Ragnar Grímsson lagði hugmyndum um sæstreng lið, líkt og sjá má hér að ofan. Hafa þó fáir þótt ódeigari í vörn fyrir fullveldi Íslands en hann. Þetta var á aðalfundi Landsvirkjunar 2015. Myndin er fengin úr Bændablaðnu af vefnum tímarit. is.
