Á hverjum degi síðasta árs bárust að meðaltali 33 tilkynningar um ökutækjatjón til VÍS, samtals rúmlega tólf þúsund tjónsatburðir. Þetta kemur fram í tilkynningu.
Þá tölu má gróflega áætlað margfalda með þremur til að fá út heildarfjölda tjóna sem tilkynnt voru til tryggingafélaganna. Febrúarmánuður var tjónaþyngstur og voru 75 tjón sem komu inn þann dag þegar tilkynningar voru flestar.
Rúmlega tveir einstaklingar að meðaltali leituðu sér læknishjálpar í kjölfar tjóna eða í um 5% tilkynninga.
Langflest tjónin urðu þegar bakkað var á eða um 26% en þar eru slys á fólki fátíð. Aftanákeyrslur stóðu fyrir 15% af tjónum en í þeim fær fólk oft erfiða háls- og bakáverka. Um 11% tjóna komu þegar ekið var á annan bíl sem staðsettur var við vegabrún eða í stæði við hana.
í tilkynningu segir:
„Hvort ökutækjatjón verður eða ekki er samspil margra mismunandi þátta. Nær allt gatna- og vegakerfi okkar gæti verið betra en auk þess gætu eftirfarandi fimm atriði hjálpað ökumönnum að fækka tjónum og slysum.
VÍS hvetur ökumenn sérstaklega til að flýta sér hægt nú þegar sól fer hækkandi því samhliða því hefur hraði ökutækja tilhneigingu til að aukast.“