fbpx
Sunnudagur 19.maí 2019
Eyjan

Eftirlitsnefnd með fjármálum sveitarfélaga krefur Reykjavíkurborg um svör vegna Braggamálsins

Kristján Kristjánsson
Þriðjudaginn 2. apríl 2019 07:50

Bragginn við Nauthólsveg.

Ekki missa af Helstu tíðindum dagsins í pósthólfið þitt

Lesa nánar

Eftirlitsnefnd með fjármálum sveitarfélaga hefur sent Reykjavíkurborg bréf þar sem farið er fram á upplýsingar, sem ekki koma fram í skýrslu innri endurskoðunar borgarinnar, um Braggamálið. Bréfið var rætt á fundi borgarráðs fyrir helgi og er nú til afgreiðslu hjá fjármálaskrifstofu borgarinnar en hún hefur 30 daga til að svara bréfinu.

Fréttablaðið skýrir frá þessu í dag. Haft er eftir Eyþóri Arnalds, oddvita Sjálfstæðisflokksins í borgarstjórn, að það sé sjaldgæft að eftirlitsnefndin þurfi að óska eftir upplýsingum frá sveitarfélögum.

„Þarna er verið að kalla eftir ástæðum þess að ekki var brugðist við ábendingum innri endurskoðunar um útgjöld. Í Braggamálinu var farið langt fram úr heimildum og ef það hefði verið farið eftir þessum ábendingum þá hefði Braggamálið og önnur slík ekki getað komið fyrir. Eftirlitsnefndin, ég og margir borgarbúar viljum vita hvernig þetta gat gerst þegar það var búið að benda á að málin voru í ólestri.“

Er haft eftir Eyþóri.

Þegar innri endurskoðun Reykjavíkurborgar gerði úttekt á Skrifstofu eigna og atvinnuþróunar 2015 komu fram ábendingar um atriði sem mættu betur fara. Það var Skrifstofa eigna og atvinnuþróunar sem hafði umsjón með framkvæmdunum við Braggann á Nauthólsvegi 100.

Í skýrslu um Braggamálið, sem kom út rétt fyrir síðustu jól, kom fram að ekki hefði verið brugðist við ábendingunum frá 2015 á fullnægjandi hátt. Eftirlitsnefndin vill nú fá svör við hver eftirfylgnin við þessar ábendingar hafi verið af hálfu innri endurskoðunar og hvort þær hafi borist endurskoðunarnefnd og ytri endurskoðendum borgarinnar.

Fréttablaðið hefur eftir Eyþóri að aðeins sé búið að bæta úr sex atriðum af þrjátíu á þremur árum.

„Kerfið er orðið svo flókið að ekki er farið eftir ábendingum sem kerfið sjálft bendir á og boðleiðirnar eru orðnar svo langar að stór mál hreinlega gleymast.“

Sagði Eyþór.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Siðapostular Alþingis: Ásökun um fjárdrátt trompar ásakanir um þjófnað og kynferðislega áreitni

Siðapostular Alþingis: Ásökun um fjárdrátt trompar ásakanir um þjófnað og kynferðislega áreitni
Eyjan
Fyrir 2 dögum

Strætó fengið yfir 26 milljarða í styrki frá árinu 2012 – Notkunin stendur í stað

Strætó fengið yfir 26 milljarða í styrki frá árinu 2012 – Notkunin stendur í stað
Eyjan
Fyrir 3 dögum

Áslaug Arna: „Ég vil verða forsætisráðherra“

Áslaug Arna: „Ég vil verða forsætisráðherra“
Eyjan
Fyrir 3 dögum

Forsetahjón taka þátt í aldarafmæli þjóðræknisfélaga í Vesturheimi

Forsetahjón taka þátt í aldarafmæli þjóðræknisfélaga í Vesturheimi
Eyjan
Fyrir 3 dögum
Ríki í ríkinu