fbpx
Mánudagur 22.apríl 2019
Eyjan

Viðræður hafnar á nýjan leik á milli WOW air og Icelandair – Öll sund að lokast hjá WOW air

Kristján Kristjánsson
Föstudaginn 22. mars 2019 07:22

Icelandair og WOW. Myndin er samsett.

Ekki missa af Helstu tíðindum dagsins í pósthólfið þitt

Lesa nánar

Indigo Partners sleit viðræðum við WOW air í gær og hóf WOW air þá viðræður við Icelandair Group í staðinn. Þetta kom fram í tilkynningu frá WOW air í gærkvöldi. Miðað er við að viðræðum WOW air og Icelandair verði lokið á mánudaginn. Stjórnvöld fylgjast náið með viðræðunum og þróun mála.

Í tilkynningu sem stjórnarráðið sendi frá sér í kjölfar tilkynningar WOW air kemur fram að undanfarið ár hafi stjórnvöld fylgst með erfiðleikum í alþjóðlegum flugrekstri og stöðu íslenskra flugfélaga.

„Stjórnvöld hafa síðasta árið fylgst með erfiðleikum í alþjóðlegum flugrekstri og samkeppnisstöðu íslenskra flugfélaga í því ljósi. Eigendur Wow air hafa um nokkurra mánaða skeið leitað leiða til að tryggja rekstur félagsins og hafa átt viðræður við fjárfesta, flugrekendur og aðra haghafa. Hingað til hafa þær viðræður ekki skilað þeim árangri sem eigandi félagsins stefndi að.“

Segir í tilkynningunni sem var birt á vef stjórnarráðsins.

Í Morgunblaðinu í dag er rætt við nokkra sérfræðinga á flugmarkaði en þeir voru ekki viljugir til að koma fram undir nafni. Þeir voru sammála um að öll sund væru nú að lokast fyrir WOW air.

Einnig er haft eftir Sveini Þórarinssyni, sérfræðingi hjá Landsbankanum, að ekki sé útilokað að fyrirtækin hafi átt í viðræðum undanfarið og að erfiðleikar Icelandair vegna Boeing MAX 8 flugvélanna hafi ýtt fyrirtækjunum út í frekari viðræður.

Fréttablaðið skýrði frá því fyrr í vikunni að óformlegar þreifingar hefðu verið á milli WOW air og Icelandair að undanförnu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 5 dögum

Undirbúningur fyrir stofnun miðhálendisþjóðgarðs í fullum gangi

Undirbúningur fyrir stofnun miðhálendisþjóðgarðs í fullum gangi
Eyjan
Fyrir 5 dögum

„Bullyrðingum“ Sigmars svarað: „Meira og minna allt sem kom fram í máli Sigmars var rangt“

„Bullyrðingum“ Sigmars svarað: „Meira og minna allt sem kom fram í máli Sigmars var rangt“