fbpx
Mánudagur 22.apríl 2019
Eyjan

Málefnaáherslur framboðs Íslands til setu í framkvæmdastjórn UNESCO kynntar í ríkisstjórn

Ritstjórn Eyjunnar
Þriðjudaginn 19. mars 2019 16:37

Ekki missa af Helstu tíðindum dagsins í pósthólfið þitt

Lesa nánar

Málefnaáherslur framboðs Íslands til setu í framkvæmdastjórn Mennta-, vísinda- og menningarmálastofnunar Sameinuðu þjóðanna (UNESCO) voru kynntar á ríkisstjórnarfundi í morgun.

Starfsemi og áherslusvið UNESCO eru fjölbreytt og eru málefnaáherslur Íslands þar af leiðandi með breiðri skírskotun ásamt því að flétta inn áherslur á sviði tungumála, menningar- og náttúruarfs. Þá verður framkvæmd heimsmarkmiða Sameinuðu þjóðanna, jafnrétti, virk þátttaka ungmenna og aðgengi allra að menntun rauður þráður í áherslum Íslands. Þá er unnið að því að efla þátttöku og sýnileika Íslands á vettvangi UNESCO og meðal annars í því skyni hefur Ísland tekið að sér formennsku í ríkjahópi 1 hjá UNESCO (vestræn ríki og Norður Ameríka) fyrir árið 2019. Áherslur UNESCO samræmast enn fremur markmiðum Íslands í þróunarsamvinnu og í ljósi þess er unnið að því að Ísland styðji þróunarsamvinnuverkefni UNESCO á næstu árum.

Kosningateymi framboðsins, skipað fulltrúum forsætisráðuneytis, utanríkisráðuneytis, mennta- og menningarmálaráðuneytis, umhverfis- og auðlindaráðuneytis auk kosningastjóra framboðsins, hefur unnið málefnaáherslurnar og fyrirhugað er að framboð Íslands og málefnaáherslur verði kynntar með viðeigandi hætti á aðalráðstefnu UNESCO sem haldin verður í nóvember á þessu ári.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 5 dögum

Undirbúningur fyrir stofnun miðhálendisþjóðgarðs í fullum gangi

Undirbúningur fyrir stofnun miðhálendisþjóðgarðs í fullum gangi
Eyjan
Fyrir 5 dögum

„Bullyrðingum“ Sigmars svarað: „Meira og minna allt sem kom fram í máli Sigmars var rangt“

„Bullyrðingum“ Sigmars svarað: „Meira og minna allt sem kom fram í máli Sigmars var rangt“