Bjarni Benediktsson, fjármálaráðherra, upplýsti í viðtali við RÚV í dag að það kæmi honum ekki á óvart að næsti dómsmálaráðherra kæmi úr röðum ríkisstjórnarinnar, það er að annar ráðherra taki að sér dómsmálaráðuneytið, eða að næsti dómsmálaráðherra kæmi úr röðum þingflokks Sjálfstæðisflokksins. Ræddi hann málið við þingflokk sinn í dag og sagði að það kæmi honum ekki á óvart að það yrði lendingin. Nefndi hann engin nöfn í því sambandi, en sagðist búast við því að ríkisráðsfundur yrði haldin á morgun. Ekki væri þó hundrað í hættunni hvað varðar tímasetningu.

Aðspurður hvort það yrði ekki erfitt fyrir Sigríði að eiga afturkvæmt í ráðherrastól ef hann yrði skipaður öðrum úr þingflokknum, sagðist hann ekki telja það.

Bjarni sagði mikilvægt að eyða óvissunni varðandi úrskurð Mannréttindadómstóls Evrópu í gær, ákvörðunin hefði komið á óvart. Sagðist hann styðja og virða ákvörðun Sigríðar Andersen að stíga af ráðherrastóli

Hann segir málið aldrei hafa farið á það stig að samstarfsflokkarnir hafi gert kröfu um afsögn Sigríðar, sú ákvörðun hefði alfarið komið frá Sigríði sjálfri í dag.