Íslendingar, ekki síst þeir sem eru farnir að reskjast, dveljast langdvölum á Spáni. Sumir á Costa Blanca, eða Stór-Torreviejasvæðinu eins og það er stundum kallað. Aðrir á Kanaríeyjum, mætti stundum ætla af því hvernig talað er að Tene sé einhvers konar úthverfi frá Reykjavík. Sumir fara þarna í frí, aðrir beinlínis setjast að.
Ályktunin hér að ofan var samþykkt á fundi Íslendinga á Kanaríeyjum um daginn.
En nú hlýtur maður að hafa nokkrar áhyggjur af þessu góða fólki sem heldur til á Spáni því af fréttum má ráða að notkun sýklalyfja í landbúnaði er hvergi meiri en þar. Það getur eiginlega ekki verið óhætt að borða matinn. Allt kjötið sem ferðamennirnir láta inn fyrir varir sínar þar? Eggin, mjólkina?
Þessi mynd hefur til dæmis verið birt í Bændablaðinu. Nema þeir kannski taki með sér íslenska hollmetið að heiman?