fbpx
Föstudagur 22.mars 2019
Eyjan

Algjör sigur alþjóðavæðingarinnar

Egill Helgason
Fimmtudaginn 7. mars 2019 12:52

Ekki missa af Helstu tíðindum dagsins í pósthólfið þitt

Lesa nánar

Við getum reynt að vera þjóðernissinnar en alþjóðavæðingin hrifsar okkur með sér hvort sem við viljum eða ekki. Hið þjóðlega á ekki séns. Erlendir fjöl- og samskiptamiðlar ryðja þeim íslensku burt, það þarf mikið átak til að þeir eigi sér viðreisnar von, íslenskur vinnumarkaður er orðinn alþjóðlegur eins og Ásgeir Jónsson skýrir í merkilegu viðtali í Fréttablaðinu í dag,

Okkar daglega fæði eru pítsur, hamborgarar, kebab, taco og kjúklingar. Neyslan á lambi og fiski minnkar stöðugt.

Óvíða er þetta þó greinilegra en í fótboltanum. Þar er alþjóðavæðingin grímulaus.

Tugþúsundir Íslendinga fylgjast í ofvæni með enskum liðum sem eru í eigu bandarískra fyrirtækja, olíufursta frá Persaflóa og rússneskra ólígarka.

Knattspyrnumennirnir koma alls staðar að af plánetunni. Liðin eiga að heita ensk en í sumum þeirra er ekki einn einasti enskur leikmaður. Englendingar ætla að endurheimta hið þjóðlega með því að ganga úr ESB en staðreyndin er sú að fáir staðir eru jafn ofurseldir hnattvæðingu.

Peningaveltan er ótrúleg, mest gengur þetta út á að selja einhvern varning, auglýsingar og sjónvapsréttindi – allt á alþjóðlega vísu.

Enginn hefur áhuga á KR, Val eða Skaganum lengur. Vellirnir á Íslandi standa tómir. Glóbalið ryður lókalinu miskunnarlaust burt.

Þúsundir barna hér eru alin upp í trú á United og Liverpool, ferðirnar á Trafford og Arnfield eru eins og innvígsla þar sem allir fara í búninga. Sum börnin fá búininginn strax við fæðingu.

Skapsveiflur á heimilum landsins ráðast svo af gengi þessara liða.

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Bæjarstjóri gagnrýnir Útlendingastofnun og búsetukost hælisleitenda að Ásbrú – Myndir

Bæjarstjóri gagnrýnir Útlendingastofnun og búsetukost hælisleitenda að Ásbrú – Myndir
Eyjan
Fyrir 2 dögum

Héraðsdómari um „lítilsvirðandi“ niðurstöðu MDE: „Ný teg­und óskapnaðar“

Héraðsdómari um „lítilsvirðandi“ niðurstöðu MDE: „Ný teg­und óskapnaðar“