fbpx
Föstudagur 22.mars 2019
Eyjan

Bára segist dæmd til fátæktar: „Ekki mér að kenna að ég á ekki fyrir mat“

Ritstjórn Eyjunnar
Fimmtudaginn 21. febrúar 2019 14:45

Bára Halldórsdóttir

Ekki missa af Helstu tíðindum dagsins í pósthólfið þitt

Lesa nánar

Bára Halldórsdóttir, sem tók upp samtal Klaustursþingmannanna í fyrra, segist ekki lifa af þeim tekjum sem henni séu skammtaðar. Hún segist dæmd til fátæktar:

„Ég lifi ekki af þeim tekjum sem mér eru skammtaðar. Það er ekki mér að kenna að ég á ekki fyrir mat út mánuðinn. Það er sök þeirra sem skammta mér tekjurnar. Ég, eins og þúsundir annarra sem búa í þessu ríka landi, er dæmd til fátæktar. Það er þjóðarskömm. En fyrst og fremst er það skömm þeirra sem borg okkur laun og lífeyri, launagreiðenda og stjórnvalda. Þeirra er skömmin. Þau eiga hana skuldlaust,“

segir Bára, sem ætlar að taka þátt í mótmælum um helgina gegn fátækt og „skila skömminni“  í svokallaðri Hungurgöngu:

„Ég ætla ekki að bera lengur skömm vegna lágra tekna. Ég skila henni hér með til þeirra sem eiga hana. Ég geri það með því að ganga Hungurgönguna á Austurvelli á laugardaginn klukkan tvö. Gakktu með mér. Hjálpaðu mér að losa mig við skömmina og skila henni þangað sem hún á heima.“

Rétt er að geta þess að fleiri hafa notast við textann sem Bára birtir, sem virðist staðlaður.

Efnt hefur verið til mótmæla á Austurvelli um helgina, þar sem því er mótmælt að í einu ríkasta samfélagi heims skuli sumt fólk vera dæmt til „fátæktar, bjargleysis, ótta og örvæntingar“ líkt og segir um viðburðinn.

Þeir sem standa að mótmælunum eru hin svokölluðu „Gulu vesti“, sem segja láglaunastefnu vera ofbeldi.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Bæjarstjóri gagnrýnir Útlendingastofnun og búsetukost hælisleitenda að Ásbrú – Myndir

Bæjarstjóri gagnrýnir Útlendingastofnun og búsetukost hælisleitenda að Ásbrú – Myndir
Eyjan
Fyrir 2 dögum

Héraðsdómari um „lítilsvirðandi“ niðurstöðu MDE: „Ný teg­und óskapnaðar“

Héraðsdómari um „lítilsvirðandi“ niðurstöðu MDE: „Ný teg­und óskapnaðar“