Inga Sæland, formaður Flokks fólksins, er annáluð söngkona, en hún sá til dæmis fyrir sér sem slík á Spáni í tvö sumur og sló eftirminnilega í gegn í X-Factor þáttunum sálugu, þar sem hún komst alla leið í úrslit.
Þorrablót Flokks fólksins er um næstu helgi og auðvitað mun formaðurinn taka í hljóðnemann eins og henni er einni lagið. Hún æfði sig aðeins í dag við undirleik Birgis Jóhanns Birgissonar og ekki er að heyra annað en að Inga hafi neglt þetta í „fyrstu töku,“ en fyrir valinu varð slagarinn It´s now or never eftir engan annan en kónginn sjálfan, Elvis Presley, frá árinu 1960. Það er mest selda smáskífa kóngsins frá upphafi, hefur selst í rúmlega 20 milljón eintökum.
Sjón og heyrn er sögu ríkari:
