fbpx
Mánudagur 25.mars 2019
Eyjan

Kamala Harris er fremst í frambjóðendasveit Demókrata – en nú er Bernie Sanders kominn í slaginn

Egill Helgason
Miðvikudaginn 20. febrúar 2019 10:03

Ekki missa af Helstu tíðindum dagsins í pósthólfið þitt

Lesa nánar

Það er mikill fjöldi Demókrata sem sækist eftir tilnefningunni fyrir forsetakosningarnar sem fara fram í nóvember 2020. Já, við erum komin fram yfir hálft kjörtímabil Donalds Trumps. Hann er einkennilegur forseti, ekki ýkja vinsæll, stendur frekar lágt í skoðanakönnunum samkvæmt mælingum, en samt er mögulegt að hann geti sigrað aftur í forsetakosningum. Eins og endranær veltur það á sveifluríkjunum – við gætum aftur fengið kosningar þar sem Trump fengi miklu færri atkvæði en demókratinn en sigraði samt.

Það getur spilað upp í hendurnar á honum hversu sveit Demókrata er ósamstæð, enn kemur maður ekki auga á neinn frambjóðanda sem virkar afgerandi. Bernie Sanders tilkynnti um framboð sitt í gær, hann er þekktur og sumar spár benda til þess að hann gæti sigrað Trump – en hins vegar verður Sanders orðinn 79 ára í kosningunum 2020.

New York Times birtir þetta yfirlit um frambjóðendurna úr röðum Demókrata. Eins og stendur, og líkt og lesa má úr töflunni hér að neðan sem er úr The Economist, er það Kamala Harris, öldungadeildarþingmaður frá Kaliforníu, sem þykir líklegust til að hreppa tilnefninguna. Forskot hennar er langt í frá afgerandi, líkurnar eru metnar á innan við fjórðung, en hún þykir hafa byrjað baráttu sína vel, ólíkt til dæmis Elisabeth Warren, öldungadeildarþingmanni frá Massachusetts sem er miklu neðar á listanum. Vegur nýstirnisins Beto O’Rourke hefur aðeins minnkað.

Á eftir Harris koma gömlu karlarnir, Joe Biden, fyrrverandi varaforseti sem er reyndar ekki búinn að tilkynna framboð en þykir líklegur til að blanda sér í slaginn. Biden er vinsæll, hefði máski getað sigrað Trump 2016, en hann er fæddur 1941 – Trump er fæddur 1946.

 

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Silja Bára nýr formaður Jafnréttisráðs

Silja Bára nýr formaður Jafnréttisráðs
Eyjan
Fyrir 3 dögum

Viðræður hafnar á nýjan leik á milli WOW air og Icelandair – Öll sund að lokast hjá WOW air

Viðræður hafnar á nýjan leik á milli WOW air og Icelandair – Öll sund að lokast hjá WOW air
Eyjan
Fyrir 3 dögum

Segir hörð átök innan Sjálfstæðisflokksins leiða til klofnunar: „Stór hópur flokksmanna mun ekki fyrirgefa“

Segir hörð átök innan Sjálfstæðisflokksins leiða til klofnunar: „Stór hópur flokksmanna mun ekki fyrirgefa“
Eyjan
Fyrir 3 dögum

Bændur forviða á sýklalyfjaónæmi í íslensku sauðfé:  „Eitthvað sem maður gerði ekki ráð fyrir“

Bændur forviða á sýklalyfjaónæmi í íslensku sauðfé:  „Eitthvað sem maður gerði ekki ráð fyrir“