Skattabreytingaráform ríkisstjórnarinnar hafa valdið miklum vonbrigðum bæði hjá verkalýðshreyfingunni og stjórnarandstöðunni. Logi Einarsson, formaður Samfylkingarinnar, reiknar verðmæti tillagnanna út í mat og þykir niðurstaðan rýr. Hann skrifar á Facebook:
„Útspil ríkisstjórnarinnar eru tvær stórar pizzur, einn skammtur af brauðstöngum og annar af kjúklingavængjum, á nettilboði 2 hjá Dominos.
Óháð því, hvort að um er að ræða einstakling með 325 þúsund á mánuði eða annan sem er með 1200 þúsund á mánuði.
Munurinn er auðvitað að sá með hærri tekjurnar, getur sannarlega varið þessari viðbót í að kaupa góðgætið, en sá láglaunaði þarf örugglega að nota hana til að stoppa í gat á heimilisbókhaldi og þetta mun því miður ekki duga.
Þessir 14 milljarðar sem að aðgerðin kostar hefði betur öll farið til lág- og millitekjuhópa en ekki til þeirra sem hafa hæst launin. Hér er ekki um næga jöfnunaraðgerð að ræða og ekkert hróflað ofurlaunum.“
Burt með verðtrygginguna!
Inga Sæland, formaður Flokks fólksins, er mjög óhress með tillögurnar og skrifar:
„Fram kom í máli Bjarna að þessi breyting ætti eftir að auka ráðstöfunartekjur lágtekjufólks um rúmar 80 þúsund krónur á ári.
Á ÁRI!
Já heilar 7000 kr. á mánuði. þetta er vægast sagt hrikalegt og í engum takti við þær væntingar sem gerðar voru til ríkisstjórnarinnar.
Ef ríkið lendir í vandi við að hætta skattlagningu á lægstu launin þá erum við ver stödd en látið hefur verið í veðri vaka.
Þessi lækkun NÝTIST ÖLLUM ! Líka þeim SEM ER MOLDRÍKIR MEÐ OFURLAUN!
HÆTTIÐ AÐ SKATTLEGGJA FÁTÆKT !
HALLÓ ! Hvar er Vinstri hreyfingin grænt framboð ?
Hvar er ákallið eftir því að húsnæðisliðurinn verði tekinn út úr vísitölunni STRAX?
BURT MEÐ HEIMSMETIÐ VERÐTRYGGINGU ! Núna strax!“
