fbpx
Mánudagur 25.mars 2019
Eyjan

Launahækkun Lilju var „varkár“ og „hófsöm“

Ritstjórn Eyjunnar
Þriðjudaginn 19. febrúar 2019 12:30

Lilja Björk Einarsdóttir

Ekki missa af Helstu tíðindum dagsins í pósthólfið þitt

Lesa nánar

Í svari bankaráðs Landsbankans við fyrirspurn Bankasýslu ríkisins um ástæðu hækkunar launa Landsbankastjórans Lilju B. Einarsdóttur, segir að hækkunin hafi komið til vegna þess að laun hennar hefðu dregist aftur úr launum fyrir sambærileg störf á árunum 2009 – 2017. Þau hefðu ekki verið samkeppnishæf og ekki í samræmi við starfskjarastefnu Landsbankans, sem segir að að laun helstu stjórnenda skuli vera samkeppnishæf í samanburði við stjórnendur annarra fjármálafyrirtækja, án þess þó að vera leiðandi.

Þá er tekið fram að bankaráðið telji laun Lilju vera hófsöm og varkárni hafi verið gætt þegar samið var um þau. Einnig er nefnt að leitað hafi verið til óháðra ráðgjafafyrirtækja um afmörkun á því hvað telja ætti samkeppnishæf laun og voru niðurstöðurnar þær að eðlileg laun væru 3,5 – 4,9 milljónir á mánuði. Umsamin laun í upphafi voru þó ákveðin 3.25 milljónir á mánuði, en síðar hækkuðu laun Lilju í tveimur skrefum um 82 prósent á innan við ári, sem varð til þess að mikil reiði braust út í samfélaginu, en Lilja er nú með 3,8 milljónir á mánuði, sem gerir hana að launalægsta bankastjóranum meðal þriggja stærstu viðskiptabankanna.

Mikil samkeppnishæfni hjá Íslandsbanka

Bankaráð Íslandsbanka hefur einnig svarað fyrirspurn Bankasýslunnar og tekur í sama streng, laun Birnu Einarsdóttur bankastjóra, sem eru um 5,3 milljónir á mánuði, séu samkvæmt starfskjarastefnu bankans og miði að því að vera samkeppnishæf og sambærileg því sem þekkist hjá öðrum fjármálafyrirtækjum, án þess þó að vera leiðandi.

Þá hafi verið horft til reynslu, árangurs, viðskiptatengsla og hæfni við ákvörðun launa. Þá er vísað til árangurs bankans, en fjármálatímaritið Euromoney valdi Íslandsbanka sem besta bankann á Íslandi árið 2018, og er það í fimmta sinn sem hann hlýtur þá nafnbót.

Í því tilliti má taka fram að hagnaður Íslandsbanka dróst saman um rúma þrjá milljarða milli áranna 2017 og 2018.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Silja Bára nýr formaður Jafnréttisráðs

Silja Bára nýr formaður Jafnréttisráðs
Eyjan
Fyrir 3 dögum

Viðræður hafnar á nýjan leik á milli WOW air og Icelandair – Öll sund að lokast hjá WOW air

Viðræður hafnar á nýjan leik á milli WOW air og Icelandair – Öll sund að lokast hjá WOW air
Eyjan
Fyrir 3 dögum

Segir hörð átök innan Sjálfstæðisflokksins leiða til klofnunar: „Stór hópur flokksmanna mun ekki fyrirgefa“

Segir hörð átök innan Sjálfstæðisflokksins leiða til klofnunar: „Stór hópur flokksmanna mun ekki fyrirgefa“
Eyjan
Fyrir 3 dögum

Bændur forviða á sýklalyfjaónæmi í íslensku sauðfé:  „Eitthvað sem maður gerði ekki ráð fyrir“

Bændur forviða á sýklalyfjaónæmi í íslensku sauðfé:  „Eitthvað sem maður gerði ekki ráð fyrir“