fbpx
Föstudagur 22.mars 2019
Eyjan

Vísar lögbroti Reykjavíkurborgar til dómsmálaráðuneytisins: „Vil vita hvort þessar kosningar hafi verið lögmætar“

Ritstjórn Eyjunnar
Fimmtudaginn 14. febrúar 2019 14:03

Vigdís Hauksdóttir, borgarfulltrúi Miðflokksins. Mynd:DV/Sigtryggur Ari

Ekki missa af Helstu tíðindum dagsins í pósthólfið þitt

Lesa nánar

Vigdís Hauksdóttir, borgarfulltrúi Miðflokksins, hyggst vísa broti Reykjavíkurborgar á persónuverndarlögum í aðdraganda síðustu sveitarstjórnarkosninga til dómsmálaráðuneytisins, til úrskurðar um lögmæti kosninganna. Þetta kemur fram á Facebook síðu Vigdísar.

„Ég hef ákveðið að vísa þeim lögbrotum sem framin voru í aðdraganda borgarstjórnarkosninganna – að mati Persónuverndar til dómsmálaráðuneytisins til úrskurðar um lögmæti kosninganna.“

Sjá nánarReykjavíkurborg framdi lögbrot þegar hún sendi ungum kjósendum sms

Óeðlileg afskipti

Í samtali við Eyjuna sagði Vigdís að skýringar meirihlutans væru allar eftiráskýringar og eftir stæði vilji borgarinnar til að „garfast í gögnum“ sem væru persónurekjanleg og „einbeittur vilji“ stæði að baki því að koma málinu í gegn:

„Ég vil vita hvort þessar kosningar hafi verið lögmætar, vegna afskipta Reykjavíkurborgar af þeim. Sveitarfélögin bera ábyrgð á kosningunum og því er mjög óeðlilegt að Reykjavíkurborg sé að sýslast í þessum málum. Það er stjórnarskrárbundinn réttur allra að kjósa, en það er ekki skylda. Það felst afstaða í því að mæta ekki á kjörstað,“

sagði Vigdís og nefnir að persónuvernd hafi verið blekkt og aðvörunarljós blikkað í öllu ferlinu:

„Það er alveg sama hvað kom upp úr kjörkössunum, fyrir kosningar var verið að djöflast í ríkisstofnunum að fá þetta samþykkt, það komu neitanir og aðvörunarljós úr dómsmálaráðuneytinu, alls staðar var verið að vara við að þessi leið yrði farin. Persónuvernd var blekkt, á þann hátt að ekki voru sendar fullnægjandi upplýsingar.“

Vigdís vildi litlu svara um hvort hún teldi líklegt að kosningarnar yrðu dæmdar ólögmætar, það væri ekki hennar hlutverk.

Ljóst má þó vera að hallað gæti á meirihlutaflokkana ef kosið yrði á ný, í kjölfar þeirra hneykslismála sem upp hafa komið.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Bæjarstjóri gagnrýnir Útlendingastofnun og búsetukost hælisleitenda að Ásbrú – Myndir

Bæjarstjóri gagnrýnir Útlendingastofnun og búsetukost hælisleitenda að Ásbrú – Myndir
Eyjan
Fyrir 2 dögum

Héraðsdómari um „lítilsvirðandi“ niðurstöðu MDE: „Ný teg­und óskapnaðar“

Héraðsdómari um „lítilsvirðandi“ niðurstöðu MDE: „Ný teg­und óskapnaðar“