fbpx
Föstudagur 22.mars 2019
Eyjan

Voru þau kannski ekki að hugsa neitt?

Egill Helgason
Miðvikudaginn 13. febrúar 2019 19:56

Ekki missa af Helstu tíðindum dagsins í pósthólfið þitt

Lesa nánar

Maður spyr sig hvað fari í gegnum heilabúið á fólki sem sem situr til dæmis í bankaráði Landsbankans og ræðir launahækkun til bankastjóra – á nákvæmlega sama tíma og eru í gangi viðkvæmir kjarasamningar.

Og á sama tíma og er í gangi umræða um að einkavæða bankann. Ennfremur deilt um hvort eigi að reisa rándýrar nýjar höfuðstöðvar fyrir hann.

Hvað hugsar þessi hópur fólks sem situr saman í fundarherbergi, líklega af virðulegri sortinni, í gamla Landsbankahúsinu.

Kannski ekkert?

Kannski veit það ekkert um það sem er að gerast annars staðar í samfélaginu, kannski er því alveg sama eða kannski er það ekkert að tengja?

Sé það svo er það væntanlega ekki starfi sínu vaxið.

Annars er svosem ekki alveg nýtt að komi upp mál af þessu tagi á tíma kjarasamninga. Það rifjast upp að allt varð vitlaust 2015 þegar HB Grandi greiddi hluthöfum stóran arð og hækkaði laun stjórnarmanna verulega í miðri vinnudeilu. Þetta hleypti illu blóði í verkalýðshreyfinguna, meðal annars þáverandi forseta ASÍ – sem mörgum þótti reyndar almennt of linur.

HB Grandi var auðvitað ekki ríkisfyrirtæki eins og Landsbankinn, en þetta var sett í samhengi við að fyrirtækið ræki nokkuð grimma láglaunastefnu. Kristján Loftsson sem þá var aðaleigandi HB Granda lét ekki bilbug á sér finna fremur en endranær, sagði að hækkanirnar yrðu ekki teknar til baka, og spurði þá Gylfi Arnbjörnsson hvort hann byggi í helli?

Ef til vill má spyrja sömu spurningar um bankaráð Landsbankans – nema það kallist fílabeinsturn?

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Bæjarstjóri gagnrýnir Útlendingastofnun og búsetukost hælisleitenda að Ásbrú – Myndir

Bæjarstjóri gagnrýnir Útlendingastofnun og búsetukost hælisleitenda að Ásbrú – Myndir
Eyjan
Fyrir 2 dögum

Héraðsdómari um „lítilsvirðandi“ niðurstöðu MDE: „Ný teg­und óskapnaðar“

Héraðsdómari um „lítilsvirðandi“ niðurstöðu MDE: „Ný teg­und óskapnaðar“