fbpx
Föstudagur 26.apríl 2019
Eyjan

Stjórnarmaður segir laun Lilju sanngjörn: Svo miklar líkur á því að enda í fangelsi

Ritstjórn Eyjunnar
Miðvikudaginn 13. febrúar 2019 11:00

Lilja Björk Einarsdóttir

Ekki missa af Helstu tíðindum dagsins í pósthólfið þitt

Lesa nánar

Laun Lilju Einarsdóttur, Landsbankastjóra, hafa verið hitamál vikunnar. Þau hækkuðu í tvígang á innan við ári, um alls 82 prósent, eð 1,7 milljónir á mánuði. Flestir hafa lýst yfir hneykslun sinni, þar á meðal forsætisráðherra og fjármálaráðherra, sem hefur kallað eftir skýringum, enda er það yfirlýst stefna yfirvalda, sem eiga bankann, að launahækkanir ríkisforstjóra séu hóflegar.

Í viðskiptablaði Fréttablaðsins, Markaðnum, birtist hinsvegar nafnlaus pistill í dag undir liðnum „Stjórnarmaðurinn“. Þar eru há laun réttlætt með ýmsum hætti.

Í fyrsta lagi með því að nefna að laun Lilju séu ennþá með þeim lægstu þegar kemur að bankastjórum:

„Talsverð læti hafa verið vegna skarpra launahækkana bankastjóra Landsbankans sem hafa nánast tvöfaldast á átján mánuðum. Þrátt fyrir launahækkanirnar er Landsbankastjórinn launalægsti bankastjóri landsins en kollegi hennar hjá ríkisbankanum Íslandsbanka er með um fjórðungi hærri laun. Höskuldur Ólafsson í Arion er hins vegar í nokkrum sérflokki með réttar sex milljónir. Sá grundvallarmunur er þó á að síðastnefndi bankinn er í einkaeigu og því kannski eðlilegt að þar sé málum skipað með nokkuð öðrum hætti en hjá ríkisbönkunum.“

Fangelsisdómar í bunkum

Þá er vikið að ábyrgð hinna háttsettu stjórnenda, sem réttlæti launin:

„Hvernig sem því er snúið er staðreyndin sú að á Íslandi fylgir því mikil ábyrgð að taka að sér stjórnunarstöður, einkum í fjármálafyrirtækjum. Stjórnendur hafa undanfarinn áratug fengið áralanga fangelsisdóma í bunkum fyrir ákvarðanir sem þeir tóku við störf sín. Í sumum tilfellum virðist þunn lína milli þess hvort verið sé að refsa þeim fyrir efnahagsglæpi, eða einfaldlega slæmar viðskiptaákvarðanir, sem jafnvel hafa verið teknar undir fordæmalausri pressu. Í því samhengi er það spurning um sjónarhorn hvort bankastjórnendur teljist hafa of há laun. Hið minnsta er ljóst að afleiðingarnar geta orðið gríðarlegar ef þeim verður á í starfi.“

Popúlísk ákvörðun og prósentustökk

Þá er nefnt að þrátt fyrir að Birna Einarsdóttir, bankastjóri Íslandsbanka hafi lækkað laun sín um 14 prósent, sem vafalaust hafi verið „popúlísk“ ákvörðun, sé hún ennþá með hærri laun en kollegi sinn hjá Landsbankanum.

Þá segir að prósentustökk séu góður „fyrirsagnamatur“ sem segi þó ekki alla söguna. Vissulega gefi það óheppileg skilaboð í kjaraviðræðurnar, en það sé hinsvegar hið opinbera sem upphaflega velti „skriðunni“ af stað.

Þórður Snær Júlíusson, ritstjóri Kjarnans, vekur athygli á pistlinum á Twitter í dag:

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 3 dögum

Björn um tækifærismennsku Þorsteins og Frosta: „Nær væri að nota orðið „tvöfeldni“

Björn um tækifærismennsku Þorsteins og Frosta: „Nær væri að nota orðið „tvöfeldni“
Eyjan
Fyrir 5 dögum

Síðasta bókin um Bernie Gunther – á upplausnartíma Weimarlýðveldisins

Síðasta bókin um Bernie Gunther – á upplausnartíma Weimarlýðveldisins