fbpx
Miðvikudagur 24.apríl 2019
Eyjan

Áslaug Arna: „Af­leiðing­ar sósí­al­isma eru alltaf þær sömu fyr­ir al­menn­ing; eymd, volæði og hung­ur“

Ritstjórn Eyjunnar
Þriðjudaginn 12. febrúar 2019 09:55

Ekki missa af Helstu tíðindum dagsins í pósthólfið þitt

Lesa nánar

Áslaug Arna Sigurbjörnsdóttir, ritari Sjálfstæðisflokksins og formaður utanríkisnefndar, skrifar um ástandið í Venesúela í Morgunblaðið í dag. Tilefnið er stuðningur Íslands við Juan Guaidó sem nýs forseta landsins til bráðabirgða, sem ýft hefur fjaðrir sósíalista hér á landi, sem segja Guaido strengjabrúðu Bandaríkjamanna og að um sé að ræða valdarán í anda heimsvaldastefnu þeirra, sem sjá megi árangurinn af í löndum á borð við Írak og Líbýu. Fáir þeirra treysta sér þó til að halda hlífiskildi yfir Nicolás Maduro, forseta landsins síðan 2013.

Áslaug segir engu líkara en að íslenskir sósíalistar telji eymd íbúa Venesúela þess virði, svo framarlega sem hin kapítalísku Bandaríki haldi sig á mottunni:

 „Á sama tíma og vest­ræn lýðræðis­ríki lýsa yfir stuðningi við Juan Guaidó reyna marg­ir, sem all­ir eiga það sam­eig­in­legt að styðja sósíal­íska hug­mynda­fræði, að gera lítið úr af­leiðing­um sósíal­ískr­ar stefnu stjórn­valda í Venesúela og snúa umræðunni í ein­hvers kon­ar andúð á heimsvalda­stefnu Banda­ríkj­anna. Það er engu lík­ara en að þess­ir aðilar trúi því að eymd íbúa Venesúela sé þess virði svo lengi sem Banda­ríkja­menn skipti sér ekki af mál­um.“

Áslaug segir meginástæðuna fyrir vanda landsins vera stefnu sósíalista, en Venesúela var eitt ríkasta land heims um miðja síðustu öld. Nú ríki hinsvegar hungursneið í landinu, „hung­ur í boði hug­mynda­fræði sem hef­ur alltaf haft slæm­ar af­leiðing­ar fyr­ir al­menn­ing,“ segir Áslaug en milljónir hafa flúið landið hvers innviðir eru í molum og ríkir þar fullkomin upplausn:

„Önnur ol­íu­ríki hafa einnig fundið fyr­ir lækk­un olíu­verðs án þess þó að efna­hag­ur þeirra hafi hrunið eins og spila­borg. Slæm efna­hags­stjórn og spill­ing eru þó ekki einu af­rek sósí­al­ista í land­inu á síðustu árum. Með því að beita bæði her og glæpa­gengj­um hafa stjórn­völd níðst á al­menn­ingi í land­inu með of­beldi, kúg­un og niður­læg­ingu. Slík hegðun kom til löngu áður en efna­hag­ur lands­ins fór í vaskinn,“

segir Áslaug og tekur fram hversu gallaða hugmyndafræði hún telur sósíalisma vera:

„Staðreynd­in er sú að við erum í enn eitt skiptið að sjá skips­brot sósí­al­ism­ans. Af­leiðing­ar sósí­al­isma eru alltaf þær sömu fyr­ir al­menn­ing; eymd, volæði og hung­ur.“

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Í gær

Rúmlega hálfur milljarður afskrifaður hjá Skúla Mogensen

Rúmlega hálfur milljarður afskrifaður hjá Skúla Mogensen
Eyjan
Í gær

Lögfræðingur um orkupakkann: „Veld­ur laga­legri óvissu og geng­ur gegn hags­mun­um þjóðar­inn­ar“

Lögfræðingur um orkupakkann: „Veld­ur laga­legri óvissu og geng­ur gegn hags­mun­um þjóðar­inn­ar“
Eyjan
Í gær

Sólveig Anna um laun forsætisráðherra: „Láglaunakonurnar þurfa ennþá að paufast áfram á glergólfinu“

Sólveig Anna um laun forsætisráðherra: „Láglaunakonurnar þurfa ennþá að paufast áfram á glergólfinu“
Eyjan
Í gær

Katrín Jakobsdóttir er meðal hæst launuðu þjóðarleiðtoga heims

Katrín Jakobsdóttir er meðal hæst launuðu þjóðarleiðtoga heims
Eyjan
Fyrir 4 dögum

Áminning á áminningu ofan

Áminning á áminningu ofan
Eyjan
Fyrir 5 dögum

Segir almenning taka sökina fyrir mengun stóriðju: „Hér starfa erlend fyrirtæki sem brenna yfir 1000 tonnum af kolum á dag“

Segir almenning taka sökina fyrir mengun stóriðju: „Hér starfa erlend fyrirtæki sem brenna yfir 1000 tonnum af kolum á dag“