fbpx
Laugardagur 17.ágúst 2019  |
Eyjan

Hanna Katrín segir heiminn kominn á hvolf: „You can’t make this shit up“

Ritstjórn Eyjunnar
Fimmtudaginn 7. febrúar 2019 11:42

Hanna Katrín Friðriksson.

Ekki missa af Helstu tíðindum dagsins í pósthólfið þitt

Lesa nánar

Hanna Katrín Friðriksson, þingmaður Viðreisnar sem á sæti í umhverfis- og samgöngunefnd, er „gríðarlega“ ósátt við niðurstöður fundarins í morgun, þar sem Bergþór Ólason steig til hliðar og Jón Gunnarsson tekur við tímabundið. Tillagan um að hún yrði formaður var felld.

Hún segist þó ekki ósátt við formennskusætið, heldur að stjórnarflokkarnir séu að nýta sér þær „fordæmalausu“ aðstæður sem upp hafa komið í kjölfar málsins, líkt og Fréttablaðið hefur eftir henni:

Það er að myndast þessi nýi meiri­hluti, sem eru ríkis­stjórnar­flokkarnir, Mið­flokkur og þing­maðurinn sem situr utan flokka. Stjórnar­flokkarnir eru ein­fald­lega að ganga bak orða sinna um for­mennsku­skiptin og Sjálf­stæðis­flokkurinn hrifsar nú til sín for­mennsku í fjórðu nefndinni. Það er með miklum ó­líkindum, án þess að ég ætli að skipta mér af því hvernig hinum stjórnar­flokkunum tveimur líður í þessu sam­starfi, að þeir hafi að­eins sitt hvora for­mennskuna á móti þessum fjórum.“

Minnihlutinn í nefndinni lagði til að Hanna Katrín tæki við formennsku í nefndinni, en sú tillaga var felld af meirihlutanum. Einnig var felld tillaga meirihlutans að Hanna Katrín yrði fyrsti eða annar varaformaður.

Tillaga fráfarandi formanns, Bergþórs Ólasonar, um að Jón Gunnarsson, Sjálfstæðisflokki, yrði formaður og Ari Trausti Guðmundsson, VG, varaformaður, var hinsvegar samþykkt.

Sjálfstæðisflokkurinn fer því með nefndarformennsku í fjórum fastanefndum þingsins af átta.

Sjá einnigBjörn Leví ósáttur:„Miðflokkurinn á ekki þetta sæti“

Heimurinn á hvolf

Hanna segir í stöðuuppfærslu á Facebook, á kjarnyrtri engilsaxnesku, að málið allt sé með ólíkindum og vísar í frétt mbl.is þar sem Bergþór Ólason sagði að honum litist illa á formennsku „til vinstri“:

„Nú er heimurinn kominn á hvolf. Þingmaður, sem í formennskutíð sinni styður tillögur Sjálfstæðisflokksins um fordæmalitlar skattahækkanir á íbúa Suðvesturhornsins vill ekki formanninn sem mótmælir þessum skattahækkunum – af því að hún er svo vinstrisinnuð. „You can’t make this shit up“ svo ég leyfi mér að sletta.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Gleðigangan er í dag
Eyjan
Fyrir 4 dögum

Svört skýrsla ASÍ: Brotastarfsemi og jaðarsetning á íslenskum vinnumarkaði að aukast

Svört skýrsla ASÍ: Brotastarfsemi og jaðarsetning á íslenskum vinnumarkaði að aukast
Eyjan
Fyrir 4 dögum

Guðfinna les yfir Guðmundi: „Nú er mér alvara“ – Enginn veit hvað átt hefur fyrr en misst hefur

Guðfinna les yfir Guðmundi: „Nú er mér alvara“ – Enginn veit hvað átt hefur fyrr en misst hefur
Eyjan
Fyrir 5 dögum

Ragnar Þór orðlaus: Bankastjórinn fær 312 þúsund á mánuði í 40 ár

Ragnar Þór orðlaus: Bankastjórinn fær 312 þúsund á mánuði í 40 ár
Eyjan
Fyrir 5 dögum

Dýrt lambakjöt og Hagsmunagæslustofa bænda

Dýrt lambakjöt og Hagsmunagæslustofa bænda