fbpx
Föstudagur 19.apríl 2019
Eyjan

Björn Leví ósáttur: „Miðflokkurinn á ekki þetta sæti“

Ritstjórn Eyjunnar
Fimmtudaginn 7. febrúar 2019 10:26

Mynd-Hanna/DV

Ekki missa af Helstu tíðindum dagsins í pósthólfið þitt

Lesa nánar

Björn Leví Gunnarsson, þingmaður Pírata og áheyrnarfulltrúi í umhverfis- og samgöngunefnd, er ekki sáttur við niðurstöðu fundarins í morgun, þar sem Bergþór Ólason, þingmaður Miðflokksins, steig til hliðar sem formaður. Jón Gunnarsson, Sjálfstæðisflokki, mun taka við tímabundið meðan endanleg niðurstaða fæst, samkvæmt tilkynningu stjórnarflokkanna í morgun.

Björn Leví segir að ríkisstjórnarflokkarnir hafi stutt Miðflokkinn í tillögu hans um nefndarformennsku, en Miðflokkurinn eigi ekki það sæti, heldur minnihlutinn:

„Á fundi umhverfis- og samgöngunefndar sem var að ljúka rétt í þessu stilltu ríkisstjórnarflokkarnir sér upp á bak við miðflokkinn og tillögu hans um nefndarformennsku. Rósa Björk var eini þingmaður stjórnarflokkanna sem sagði nei. Allir hinir (og þingmaður „utan“ flokka) studdu tillögu miðflokks, umfram tillögu hinna minnihlutaflokkanna, um „tímabundna“ breytingu á formennsku þar sem nefndarformennska var tekin af minnihluta.“

Miðflokkinn skorti umboð

Björn Leví hefur væntanlega verið nokkuð miðri fyrir, líkt og sjá má á ritmáli hans, en hann segir Miðflokkinn ekki hafa umboð til gefa nefndarformennskusætið eftir til stjórnarmeirihlutans:

„Samkomulagið var að minnihlutinn fengi 3 nefndarformennskur (en ekki 4 eins og ætti að vera skv lögum um þingsköp). Innan minnihluta var svo hlutfallsskipt eftir stærð flokka. Miðflokkurinn _á_ ekki þetta sæti. Minnihlutinn á sætið. Miðflokkurinn hefur ekki, innan samkomulagsins milli meirihluta og minnihluta, umboð til þess að gefa meirihluta nefndarformennskusæti minnihlutans. Það gerði hann samt og ríkisstjórnarflokkarnir tóku við því.“

Sjá einnigBergþór stígur til hliðar

Uppfært 11.20

Bergþór ýjaði að ósannindum

Björn Leví segir að Bergþór hafi ýjað að því í viðtali að ekki hafi verið sáttavilji innan minnihlutans, en það sé rangt:

„Í viðtali áðan ýjaði Bergþór að því að aldrei hefði verið sáttavilji innan minnihluta um afgreiðslu á nefndarskipan í umhverfis- og samgöngunefnd. Það er rangt. Fyrsta tillagan var að miðflokkur héldi formennsku en skipti bara út manni (augljóslega ekki klaustursmanni). Þetta er mjög einföld og málefnaleg tillaga. Tillagan hefði ekki verið lögð fram ef ekki væri alvara á bak við hana því það var þá og þegar í höndum miðflokksins að ganga að þeirri tillögu. Ef þeir hefðu gert það en svo hefði hún verið afturkölluð þá gæti ég tekið undir ályktun um skort á sáttum um nefndarskipan. Miðflokkurinn ákvað hins vegar að taka ekki sáttum og ríkisstjórnarflokkarnir tóku stóðu með miðflokknum í þeirri vegferð.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Í gær

Kolbrún Baldursdóttir gagnrýnir Frístundakortin: „Hafa sumir foreldrar ekki efni á námskeiði fyrir barn sitt“

Kolbrún Baldursdóttir gagnrýnir Frístundakortin: „Hafa sumir foreldrar ekki efni á námskeiði fyrir barn sitt“
Eyjan
Í gær

FRÚ VIGDÍS FINNBOGADÓTTIR VERÐUR VERNDARI BARNAÞINGS

FRÚ VIGDÍS FINNBOGADÓTTIR VERÐUR VERNDARI BARNAÞINGS
Eyjan
Fyrir 2 dögum

Segir umræðuna um þriðja orkupakkann vera ógnandi og ofstopafulla – „Þetta er tilfinningalegt átakamál“

Segir umræðuna um þriðja orkupakkann vera ógnandi og ofstopafulla – „Þetta er tilfinningalegt átakamál“
Eyjan
Fyrir 3 dögum

Guðlaugur Þór vísar fjarstæðukenndum dylgjum andstæðinga orkupakkans til föðurhúsanna

Guðlaugur Þór vísar fjarstæðukenndum dylgjum andstæðinga orkupakkans til föðurhúsanna
Eyjan
Fyrir 3 dögum

Brynjar Níelsson: „Þið hafið kosið rangan mann á þing ef þið haldið það, kæru vinir“

Brynjar Níelsson: „Þið hafið kosið rangan mann á þing ef þið haldið það, kæru vinir“
Eyjan
Fyrir 3 dögum

Hver tekur við af Höskuldi hjá Arion banka ? – Þessir hafa verið nefndir til sögunnar

Hver tekur við af Höskuldi hjá Arion banka ? – Þessir hafa verið nefndir til sögunnar