fbpx
Sunnudagur 25.ágúst 2019  |

Tekjublað 2019  Sjá allt

Eyjan

Reykjavíkurborg ætlar að greiða 140 milljónir fyrir tvö pálmatré – „Er borgarmeirihlutinn að tapa sér?“

Bjartmar Oddur Þeyr Alexandersson og Ragna Gestsdóttir
Þriðjudaginn 29. janúar 2019 20:30

Ekki missa af Helstu tíðindum dagsins í pósthólfið þitt

Lesa nánar

Reykjavíkurborg hefur ákveðið að gróðursetja tvö pálmatré í nýju hverfi í Vogabyggð, sem er austan við Sæbraut.

Í samtali við RÚV sagði Hjálmar Sveinsson, borgarfulltrúi Samfylkingarnar og formaður dómnefndar að þetta yrði segull og kennileiti fyrir hverfið. Verða pálmatrén í upphituðum glerhjúp. Munu þessi tvö pálmatré kosta 140 milljónir króna, en ekki er tekið fram hver árlegur rekstrarkostnaður verður á glerhjúpunum sjálfum sem pálmatrén munu verða í.

Fréttamaður RÚV spurði Hjálmar Sveinsson hvað gera ætti með þá sem ekki kæra sig um að hafa pálmatré í bakgarðinum svaraði hann: „Þá ætti kannski viðkomandi að leita sér að íbúð þar sem að pálmatrén blasa ekki við.“

Nokkrir hafa tjáð sig um málið á Facebook og er líklegt að þeir verði fleiri.

„Er borgarmeirihlutinn að tapa sér?,“ spyr Kolbrún Baldursdóttir borgarfulltrúi Flokks fólksins. „Fréttir í kvöld: „Listaverk verða hluti af heildarhönnun hverfisins en Reykjavíkurborg og lóðareigendur munu saman verja 140 milljónum króna til kaupa á verkinu.“ Og allir skála fyrir þessu. Lóðareigendur munu saman verja 140 milljónum til að kaupa listaverk,pálmatré segir í fréttinni. Fjárhæð sem verja á til kaupa á listaverki eða listaverkum nemur 140 milljónum króna og er verkefnið kostað sameiginlega af Reykjavíkurborg og lóðareigendum Vogabyggðar. Hér er klár staðfesting á hvar forgangsröðun borgarinnar liggur!

Gunnar Smári Egilsson stofnandi Sósíalistaflokks Íslands hefur þetta um málið að segja: „Í fréttum var sagt að það ætti að kosta 140 m.kr. að setja upp þessa tvo pálma í Vogahverfinu. Nú er langt síðan ég vann í garðyrkju, en er það ekki ansi dýrt? Hver pálmi eins og fimm íbúðir í raðhúsi í Þorlákshöfn? Og þá eigum eftir að taka tillit til þess að framkvæmdir á vegum borgarinnar hafa að undanförnu farið allt að 250% fram úr áætlun. Kostnaður við þetta verður því á bilinu 140 til 500 m.kr.“

Einar Bárðarson athafnamaður slær á létta strengi og leggur til að vatnið verði ekki sótt yfir lækinn: „Já. Vilja menn ekki leita samt upp við Vífilstaðavatn áður en þeir sækja Pálmatréin til Saudi Arabíu til að fyrirbyggja að dönsku-stráin endurtaki sig.“

Eyþór Arnalds oddviti Sjálfstæðisflokksins í Reykjavík setur orð í ljóð: „Dönsk strá og pálmatré.
Allt fyrir borgarfé. Hrosshár í strengjum og holað innan tré. Ekki átti fiðlungur meira fé.“

Karin Sanders höfundur tillögunnar
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Alls 200 manns vantar enn til starfa á frístundaheimilin -1328 börn á biðlista – Sanna vill hækka launin

Alls 200 manns vantar enn til starfa á frístundaheimilin -1328 börn á biðlista – Sanna vill hækka launin
Eyjan
Fyrir 2 dögum

Ýmsir sagðir koma til greina sem næsti dómsmálaráðherra: „Væri eitthvað að mér ef ég hefði ekki áhuga“

Ýmsir sagðir koma til greina sem næsti dómsmálaráðherra: „Væri eitthvað að mér ef ég hefði ekki áhuga“