fbpx
Sunnudagur 19.maí 2019
Eyjan

Gunnar Bragi fór í „blakkát“ á Klaustri – Þekkti ekki sjálfan sig og týndi fötunum

Tómas Valgeirsson
Fimmtudaginn 24. janúar 2019 18:15

Ekki missa af Helstu tíðindum dagsins í pósthólfið þitt

Lesa nánar

Gunnar Bragi Sveinsson, þingmaður og varaformaður Miðflokksins, segist ekki kannast við manninn sem lét þau orð falla sem hann gerði á Klaustur bar hið örlagaríka kvöld, 20. nóvember. Gunnar var staddur í viðtali við Lindu Blöndal í sjónvarpsþættinum 21 á Hringbraut.

Bergþór Ólason, þingmaður Miðflokksins, var einnig í þættinum, þar sem þeir ræddu endurkomu sína á þing og Klaustursmálið.

„Það sem situr einna verst í mér eftir þetta kvöld er í fyrsta lagi það að muna ekki neitt frá þeim tíma þegar ég kem inn á barinn og þar til einum og hálfum sólarhring síðar,“ segir Gunnar Bragi. „Ég ekki veit hvað ég gerði, ég þurfti að hlusta á upptökurnar. Ég týndi fötunum mínum þessa nótt. Það er algjört „blakkát,“ algjört minnisleysi.“

Þá segir Gunnar að reiðin í röddinni hjá sér í upptökunum sé honum mikið áhyggjuefni og hefur hann því leitað sér aðstoðar. „Ég hef talað við vini og ættingja og það eru allir sammála um að þessi sem þarna talaði er einhver annar maður en sá sem við þekkjum venjulega. Þetta hefur aldrei komið fyrir mig áður,“ segir Gunnar og kveðst hafa ekki bragðað á áfengi síðan 20. nóvember.

Bergþór tekur í sama streng og segir að hann hafi farið í viðtöl við áfengisráðgjafa í kjölfar kvöldsins á Klaustri. Segir hann að niðurstaða þess hafi leitt til að hann hafi farið í ótímabundið áfengisleyfi, en hann hyggst ekki fara í meðferð að svo stöddu. „Á meðan 600 manns eru á biðlista til að komast að í meðferð hjá SÁÁ, þá ætla ég ekki að fara í meðferð bara til þess að haka við einhver box,“ segir Bergþór.

„Það liggur fyrir að ég er í þessu bindindi og ef ég á í vandræðum með það, þá auðvitað verð ég að munstra mig beint í meðferð. Ég hef ekki verið í vandræðum með bindindið hingað til og sé ekki fram á að verði breyting þar á.“

Sjá má stiklu úr lengra viðtali þáttarins að neðan.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Siðapostular Alþingis: Ásökun um fjárdrátt trompar ásakanir um þjófnað og kynferðislega áreitni

Siðapostular Alþingis: Ásökun um fjárdrátt trompar ásakanir um þjófnað og kynferðislega áreitni
Eyjan
Fyrir 2 dögum

Strætó fengið yfir 26 milljarða í styrki frá árinu 2012 – Notkunin stendur í stað

Strætó fengið yfir 26 milljarða í styrki frá árinu 2012 – Notkunin stendur í stað
Eyjan
Fyrir 3 dögum

Áslaug Arna: „Ég vil verða forsætisráðherra“

Áslaug Arna: „Ég vil verða forsætisráðherra“
Eyjan
Fyrir 3 dögum

Forsetahjón taka þátt í aldarafmæli þjóðræknisfélaga í Vesturheimi

Forsetahjón taka þátt í aldarafmæli þjóðræknisfélaga í Vesturheimi
Eyjan
Fyrir 3 dögum
Ríki í ríkinu