fbpx
Miðvikudagur 20.mars 2019
Eyjan

Ólafur segir Steingrím kalla „niðurlægingu og smán“ yfir Alþingi

Ritstjórn Eyjunnar
Þriðjudaginn 22. janúar 2019 16:30

Ekki missa af Helstu tíðindum dagsins í pósthólfið þitt

Lesa nánar

Ólafur Ísleifsson, óflokksbundinn þingmaður, sagði Steingrím J. Sigfússon, forseta Alþingis, kalla niðurlægingu og smán yfir Alþingi með því að leggja til afbrigði á þingskaparlögum um að kjósa tvo nýja varaforseta til að forsætisnefnd gæti vísað Klaustursmálinu til siðanefndar. Tillaga Steingríms var samþykkt með 45 atkvæðum gegn níu og er Steinunn Þóra Árnadóttir, þingmaður Vinstri grænna og Haraldur Benediktsson, þingmaður Sjálfstæðisflokksins, nýkjörnir varaforsetar forsætisnefndar.

Þingmenn Miðflokksins og þingmennirnir tveir sem reknir voru úr Flokki fólksins eftir Klaustursmálið, skutu föstum skotum á Steingrím og sögðu skipun varaforsetanna ekki standast lög eða stjórnarskrá.

Ólafur Ísleifsson, sem er einn sexmenninganna sem sátu á Klaustur Bar 20.nóvember í fyrra, byrjaði ræðu sína á þingi nú síðdegis með því að segjast ekkert hafa að óttast:

„Ég tel mig ekkert hafa að óttast gagnvart siðanefnd. Til mín hafa ekki verið rakin ummæli sem eru meiðandi eða særandi í garð nokkurs manns. Ég hef ekki hallað orði á nokkurn mann,“ sagði Ólafur er hann gerði grein fyrir atkvæði sínu við tillögu Steingríms.

Því skal þó haldið til haga að þegar DV ræddi við hann áður en Klaustursupptökurnar voru birtar kannaðist hann ekki við að hafa fundað með Miðflokksmönnum, heyrist hann á upptökunum sem DV hefur undir höndum grínast með orðið „Cunt“ skömmu eftir að Inga Sæland, formaður Flokks fólksins, var kölluð „húrrandi klikkuð kunta“.

Sjá einnig: Ólafur segist hafa sagt „aunt“ en ekki „cunt“

Ólafur segir að Steingrímur sé með tillögu sinni að kalla smán og niðurlægingu yfir Alþingi:

„Forseti Alþingis er að kalla yfir Alþingi þvílíka smán og niðurlægingu. Og yfir sjálfan sig, blett á sinni forsetatíð. Og ég lýsi samúð minni með háttvirtum þingmönnum Sjálfstæðisflokksins að hafa látið teyma sig út í þessar ógöngur.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Í gær

Bjarni segir viðbrögðin vera „óþarfa upphlaup“ úr öllu samhengi: „Lítill hausverkur við hliðina á hinu“

Bjarni segir viðbrögðin vera „óþarfa upphlaup“ úr öllu samhengi: „Lítill hausverkur við hliðina á hinu“
Eyjan
Í gær

Vigdís óttast geislun frá mastri á Úlfarsfelli – „Hræðsluáróður, rangfærslur og dylgjur“

Vigdís óttast geislun frá mastri á Úlfarsfelli – „Hræðsluáróður, rangfærslur og dylgjur“