Jón Ásgeir Jóhannesson, fjárfestir, var ekki kosinn í stjórn Haga, á hluthafafundi í dag. Jón bauð sig fram ásamt sjö öðrum, en stjórnin telur fimm manns. Hagar reka verslanir Bónus og Hagkaupa, og er stærsta smásölufyrirtæki landsins. Kjarninn greinir frá.
Tilnefninganefnd mælti með að Davíð Harðarson, Eiríkur S. Jóhannsson, Erna Gísladóttir, Katrín Olga Jóhannesdóttir og Stefán Árni Auðólfsson tækju sæti í stjórninni og gekk það eftir. Er þetta í fyrsta skipti sem slík tilnefningarnefnd leggur fram tillögu um stjórnarmenn, en nefndin tók til starfa í fyrrahaust.
Erna verður stjórnarformaður og Davíð varaformaður stjórnar.
Hagar héldu utan um verslunarrekstur Bónuss og Hagkaupa og voru í eigu Baugs Group, og síðar Gaums. Jón Ásgeir hefur ásamt konu sinni Ingibjörgu Pálmadóttur unnið af því að eignast hlut í Högum að nýju, eftir að hafa misst félagið í hendur kröfuhafa eftir hrun, þegar Baugur varð gjaldþrota.