fbpx
Föstudagur 22.mars 2019
Eyjan

Gylfi Arnbjörnsson meðal umsækjenda um starf ráðuneytisstjóra

Ritstjórn Eyjunnar
Þriðjudaginn 15. janúar 2019 13:53

Gylfi Arnbjörnsson, fyrrverandi forseti ASÍ

Ekki missa af Helstu tíðindum dagsins í pósthólfið þitt

Lesa nánar

Níu umsækjendur eru um embætti ráðuneytisstjóra í heilbrigðisráðuneytinu. Umsóknarfrestur rann út í gær. Heilbrigðisráðherra mun skipa í stöðuna til fimm ára að undangengnu mati lögskipaðrar hæfnisnefndar á umsækjendum, samkvæmt tilkynningu frá ráðuneytinu.

Meðal umsækjenda er Gylfi Arnbjörnsson, fyrrverandi forseti ASÍ.

Umsækjendur um embættið eru eftirtaldir:

  • Ásta Valdimarsdóttir, framkvæmdastjóri
  • Guðlaug Rakel Guðjónsdóttir, framkvæmdastjóri
  • Guðrún Gísladóttir, skrifstofustjóri
  • Gylfi Arnbjörnsson, hagfræðingur
  • Hanna Lára Steinsson, félagsráðgjafi
  • Ingunn Björnsdóttir, dósent
  • Kristlaug Helga Jónasdóttir, hjúkrunarfræðingur og verkefnastjóri
  • Lárus Bjarnason, sýslumaður
  • Sigurður Helgi Helgason, skrifstofustjóri

Hæfnisnefnd sem metur hæfni umsækjenda er skipuð samkvæmt lögum nr. 115/2011 um Stjórnarráð Íslands og starfar í samræmi við reglur nr. 393/2012 um ráðgefandi nefndir sem meta hæfni umsækjenda um embætti við Stjórnarráð Íslands. Niðurstaða nefndarinnar skal vera ráðgefandi fyrir heilbrigðisráðherra við skipun í embættið. Í nefndinni eiga sæti Guðríður Þorsteinsdóttir, hrl., formaður, Ásta Bjarnadóttir, mannauðsstjóri Landspítala og Sigurður Skúli Bergsson, tollstjóri. Starfsmaður nefndarinnar er Sigríður Jakobínudóttir.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Eyjan
Fyrir 5 klukkutímum
Fallinn strompur

Mest lesið

Ekki missa af