fbpx
Miðvikudagur 20.mars 2019
Eyjan

Borgarfulltrúar í Reykjavík fengu launahækkun

Ritstjórn Eyjunnar
Mánudaginn 14. janúar 2019 16:25

Ekki missa af Helstu tíðindum dagsins í pósthólfið þitt

Lesa nánar

Grunnlaun borgarfulltrúa í Reykjavík voru hækkuð tæpar 16 þúsund krónur í janúar, úr 726 þúsundum í 742 þúsund. Þá var fastur starfskostnaður hækkaður um rúmar ellefuhundruð krónur, úr 52, 486 krónum í 53,613 krónur. Bréf þessa efnis var lagt fram á fundi forsætisnefndar síðastliðinn föstudag frá skrifstofu borgarstjórnar.

Borgarfulltrúar fá því tæpar 796 þúsund krónur alls á mánuði, fyrir skatt.

Kjararáð vildi ganga lengra

Alls hafa laun borgarfulltrúa því hækkað um rúmar 148 þúsund krónur frá því í apríl 2017, þegar ákveðið var í borgarstjórn að binda laun kjörinna fulltrúa við þróun launavísitölu. Árið áður hafði kjararáð hækkað laun borgarfulltrúa um rúm 44 prósent, sem skapaði nokkra úlfúð í samfélaginu og ákvað borgarstjórn að frysta launin til að byrja með og loks aftengja sig kjararáði.

Fyrir þá hækkun voru grunnlaun borgarfulltrúa 593,720 krónur á mánuði. Með hækkun kjararáðs hefðu grunnlaun orðið 856,949 krónur.

Grunnlaunin eru nú 742 þúsund, en ofan á kemur ýmis starfskostnaður og álagsgreiðslur sem getur numið hundruðum þúsunda. Til dæmis fá þeir borgarfulltrúar sem sitja í borgarráði greitt álag sem nemur fjórðungi af grunnlaunum. Fær formaður borgarráðs 40% álag.

Þá fá þeir borgarfulltrúar sem sitja í þremur eða fleiri fastanefndum einnig fjórðungsálag ofan á grunnlaunin, en borgarfulltrúum var fjölgað úr 15 í 23 í síðustu sveitarstjórnarkosningum.

Grunnlaun borgarfulltrúa eru uppfærð tvisvar á ári, í janúar og júlí ár hvert, samkvæmt þróun launavísitölu.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Í gær

Bjarni segir viðbrögðin vera „óþarfa upphlaup“ úr öllu samhengi: „Lítill hausverkur við hliðina á hinu“

Bjarni segir viðbrögðin vera „óþarfa upphlaup“ úr öllu samhengi: „Lítill hausverkur við hliðina á hinu“
Eyjan
Í gær

Vigdís óttast geislun frá mastri á Úlfarsfelli – „Hræðsluáróður, rangfærslur og dylgjur“

Vigdís óttast geislun frá mastri á Úlfarsfelli – „Hræðsluáróður, rangfærslur og dylgjur“