fbpx
Miðvikudagur 24.apríl 2019
Eyjan

Úthlutar 850 milljónum króna til nýrra rannsóknaverkefna

Ritstjórn Eyjunnar
Föstudaginn 11. janúar 2019 15:00

Ekki missa af Helstu tíðindum dagsins í pósthólfið þitt

Lesa nánar

Stjórn Rannsóknasjóðs hefur úthlutað nýjum styrkjum fyrir árið 2019 til 61 rannsóknaverkefnis, samtals um 850 milljónum króna, en sjóðurinn styrkir verkefni á öllum sviðum vísinda. Alls bárust sjóðnum 359 umsóknir og er hlutfall úthlutunar í ár 17%. Á hverju ári eru veittir um 2,5 milljarðar króna til sjóðsins, þar af fer um 1,7 milljarður króna í framhaldsstyrki til eldri verkefna, en almennt eru styrkir sjóðsins til þriggja ára. Umsóknum fjölgar á milli ára og voru þær sem dæmi 291 árið 2016.

Listi yfir úthlutunina.

Sjóðurinn úthlutar styrkjum á öllum sviðum vísinda, allt frá styrkjum til doktorsnema til öndvegisstyrkja. Úthlutað var 3 öndvegisstyrkjum að þessu sinni, en þeir eru veittir til stórra verkefna sem skara framúr á sínu sviði og hafa alþjóðlega tengingu. Hver öndvegisstyrkur er um 150 milljónir króna til þriggja ára.

Styrkina hlutu Bjarni Kristófer Kristjánsson, Háskólanum á Hólum, til verkefnisins Samþætting vist-, þróunar- og þroskunarfræðilegra þátta til mótunar á líffræðilegri fjölbreytni: Hornsíli í Mývatni sem líkan, Egill Skúlason, Raunvísindastofnun, til verkefnisins Binding niturs við umhverfisaðstæður með kerfisbundinni hönnun á rafendahvötum og Jón Ólafsson, Háskóla Íslands, til verkefnisins Lýðræðisleg stjórnarskrárgerð: Tekist á um borgaraþátttöku, vald stofnana og sameiginleg gæði.

Rannsóknasjóður

Rannsóknasjóður er leiðandi samkeppnissjóður hér á landi. Hlutverk hans er að efla grunnrannsóknir í þágu vísinda og samfélags og mennta ungt fólk til vísindarannsókna með því að styðja framúrskarandi verkefni og frábæra vísindamenn. Sjö fagráð, auk ytri matsmanna, meta umsóknir í sjóðinn og er matsferlið hliðstætt því sem best þekkist meðal erlendra sjóða. Stjórn sjóðsins tekur endanlega ákvörðun um styrkveitingar.

Áhrifa Rannsóknasjóðs gætir víðs vegar. Þau má sjá í öflugum þekkingarfyrirtækjum sem byggja á vísindagrunni og öflugu starfi í þágu samfélags á sviðum eins og lýðheilsu, lífhagkerfi, nýtingu náttúruauðlinda og eftirliti með náttúruvá. Niðurstöður rannsókna styðja við hagvöxt og heilbrigt samfélag. Íslenskir vísindamenn standa framarlega í alþjóðlegu samhengi, þeir eru í miklu alþjóðlegu samstarfi, meðal annars í gegnum vísindasjóð Evrópusambandsins, og birta ritrýndar greinar til jafns við samanburðarlöndin.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Í gær

OR var með ólöglega álagningu

OR var með ólöglega álagningu
Eyjan
Í gær

Mynd dagsins: Cyti hall is closed – Sérð þú allar villurnar ? Þær eru fleiri en þú heldur…

Mynd dagsins: Cyti hall is closed – Sérð þú allar villurnar ? Þær eru fleiri en þú heldur…
Eyjan
Fyrir 5 dögum

Segir almenning taka sökina fyrir mengun stóriðju: „Hér starfa erlend fyrirtæki sem brenna yfir 1000 tonnum af kolum á dag“

Segir almenning taka sökina fyrir mengun stóriðju: „Hér starfa erlend fyrirtæki sem brenna yfir 1000 tonnum af kolum á dag“
Eyjan
Fyrir 5 dögum

Össur um orkupakkann: Sigmundur, Miðflokksmenn og Frosti ruddu brautina

Össur um orkupakkann: Sigmundur, Miðflokksmenn og Frosti ruddu brautina