fbpx
Föstudagur 22.mars 2019
Eyjan

Vilhjálmur heldur fast í verkfallsréttinn og afturvirka samninga

Ritstjórn Eyjunnar
Fimmtudaginn 10. janúar 2019 09:08

Ekki missa af Helstu tíðindum dagsins í pósthólfið þitt

Lesa nánar

Vilhjálmur Birgisson, formaður Verkalýðsfélags Akraness, segir ekki koma til greina að falla frá verkfallsréttinum og segir afturvirkni í samningum vera skýlausa kröfu síns fólks. Þetta kemur fram í Fréttablaðinu í dag.

„Það liggur alveg fyrir að íslenskt verkafólk afsalar sér ekki verkfallsrétti fyrir afturvirkni eins og er fólgið í tilboði SA. Ef það næst kjarasamningur fyrir mánaðamót þá segir það sig sjálft að hann myndi gilda frá 1. janúar. Ef það dregst lengur að semja verður það að koma í ljós en afturvirkni er skýlaus krafa af okkar hálfu,“

segir Vilhjálmur í kjölfar ummæla Halldórs Benjamíns Þorbergssonar, framkvæmdastjóra SA í gær, sem sagði að hægt yrði að fallast á afturvirka samninga, ef samið verði á skynsamlegum nótum fyrir mánaðarmót, en yrði viðræðum slitið og verkföll boðuð, félli það tilboð niður.

Fundað var hjá ríkissáttasemjara í gær öðru sinni, án þess að fjallað væri um kröfu SA um afturvirkni. Hafði verið fundað sjö sinnum áður en komið var að borði ríkissáttasemjara.

„Þannig vitum við nokkurn veginn hvar við stöndum gagnvart hver öðrum að öðru leyti en því að við höfum ekki fengið svar við þeirri veigamiklu spurningu sem lýtur að kröfum okkar til launaliðarins. Það varð niðurstaða þessa fundar að þau svör fengjust á næsta fundi,“

segir Vilhjálmur en fundur hefur verið boðaður á miðvikudaginn næsta:

„Þá sjáum við hvort við erum að leggjast upp að bryggju eða séum að stefna út á haf.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Eyjan
Fyrir 5 klukkutímum
Fallinn strompur

Mest lesið

Ekki missa af