fbpx
Sunnudagur 24.mars 2019
Eyjan

Bæjarstjóra blöskrar stríðstalið: „Hættum að gengisfella orð og hugtök sem við höfum ekki hugmynd um hvað þýða“

Ritstjórn Eyjunnar
Mánudaginn 7. janúar 2019 08:53

Guðmundur Gunnarsson, bæjarstjóri Ísafjarðar

Ekki missa af Helstu tíðindum dagsins í pósthólfið þitt

Lesa nánar

„Hvaða endemis della er það að þurfa alltaf að grípa til líkingamáls úr hernaði til að lýsa því yfir að maður sé ósáttur eða ósammála einhverju? Þetta herskáa stríðstal er að tröllríða allri umræðu. Hér er þetta notað um fiskeldi en bara á síðustu vikum hef ég séð þetta notað um samgöngur, kjaramál, opinbera starfsmenn og bílastæði! Allt er orðið að einhverju ímynduðu stríði eða hernaði,“

segir Guðmundur Gunnarsson, bæjarstjóri á Ísafirði.

Tilefnið er yfirlýsing Icelandic Wildlife Fund (IWF) sem í gær sagði drög Kristjáns Þórs Júlíussonar, sjávarútvegs- og landbúnaðarráðherra, að frumvarpi til laga um breytingar á lagaákvæðum er tengjast fiskeldi, vera „stríðsyfirlýsingu“ á hendur þeim er vildu vernda lífríkið og starfa á vísindalegum grundvelli.

Guðmundur er mótfallinn því að slíkt líkingarmál sé notað í umræðunni, þar sem tungumálið hafi upp á margt annað að bjóða, slíkar líkingar hljóti að vera íslendingum framandi og hreinlega móðgandi fyrir þá sem þekki slíkan stríðsveruleika:

„Í fyrsta lagi þá er tungumálið okkar hlaðið blæbrigðum og myndmáli sem er svo miklu betra en þetta dómsdagsraus. Margt af því er meira að segja úr okkar eigin veruleika og tengist því sem við þekkjum. Í öðru lagi þá höfum við sem þjóð, ekki hugmynd um hvað það þýðir að vera í stríði eða standa í stríðsrekstri. Ekki guðsgræna glóru. Eða jú reyndar, ef horft er til sögunnar þá er það fyrirboði um efnahagslegan ábata, uppgrip og sáralítið tjón. En ég er ekki viss um að þeir sem brúka herskáa líkingamálið viti það. Við eigum ekkert tilkall til þess að nota þessar stríðstilvísanir héðan úr okkar spikfeitu velmegunarbúbblu og altumlykjandi forréttindum. Það er hrein og klár móðgun við þá sem raunverulega þekkja til og vita hvað í hugtakinu felst.“

Þá segir Guðmundur að hann sé ekki að fara fram á að öll dýrin í skóginum séu vinir, heldur að látið verði af því að gengisfella digurbarkaleg orð með þessum hætti:

„En ekki misskilja, ég er ekkert að fara fram á að allir rauli sífellt saman einlæga skátasöngva í mesta bróðerni. Það er allt í lagi að takast á. Ég er bara að fara fram á að við hættum að gengisfella orð og hugtök sem við höfum ekki hugmynd um hvað þýða. Annars er ég bara nokkuð sprækur.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Allir tapa – ákvörðun sem hlýtur að verða endurskoðuð

Allir tapa – ákvörðun sem hlýtur að verða endurskoðuð
Eyjan
Fyrir 2 dögum

Vilhjálmur er blindur og var hætt kominn vegna skiltis á Laugavegi – Reykjavíkurborg bauð honum að senda tölvupóst

Vilhjálmur er blindur og var hætt kominn vegna skiltis á Laugavegi – Reykjavíkurborg bauð honum að senda tölvupóst
Eyjan
Fyrir 3 dögum

Sjáðu stærð Íslands í hlutfalli við önnur lönd og eyjar – Sannleikurinn gæti komið á óvart

Sjáðu stærð Íslands í hlutfalli við önnur lönd og eyjar – Sannleikurinn gæti komið á óvart
Eyjan
Fyrir 3 dögum

Björn Bjarnason svarar Sólveigu Önnu: „Já, þetta er „ótrúlega klikkað“

Björn Bjarnason svarar Sólveigu Önnu: „Já, þetta er „ótrúlega klikkað“