Brynjar Níelsson, þingmaður Sjálfstæðisflokksins, er ekki þekktur fyrir aðdáun sína á Pírötum en þrátt fyrir það viðurkennir hann sakni hennar af Alþingi. Hann segist reyndar sakna fleiri fyrrverandi þingmanna.
„Frábær grein hjá Vilhjálmi Bjarnasyni, fyrrum þingmanni, í Mogganum í morgun. Ég sakna hans ekki síður en Ögmundar, Össurar og Einars K. Ég sakna meira að segja Birgittu því hún er eiginlega líka miðaldra karl. Vilhjálmur hafði fyrir sið á hverjum morgni meðan hann gegndi þingmennsku að opna hurðina á skrifstofu minni og tilkynna mér að ég væri fáviti. Svona menn eru snillingar,“ segir Brynjar.
Valgerður Bjarnadóttir, fyrrverandi þingmaður Samfylkingarinnar, skrifar athugasemd og segir: „Kona finnur nú andann. Hm.“ Brynjar biðst undir eins afsökunar og segir: „Æ, bara gleymdi þér Vala mín. Sakna þín meira en allra hinna.“