fbpx
Þriðjudagur 18.júní 2019
Eyjan

Guðlaugur Þór heimsækir Indland: „Samstarfsmöguleikarnir eru óendanlegir“

Ritstjórn Eyjunnar
Föstudaginn 7. desember 2018 15:30

Guðlaugur Þór Þórðarson og Raj Kumar Singh, orkumálaráðherra Indlands Mynd-Utanríkisráðuneytið

Ekki missa af Helstu tíðindum dagsins í pósthólfið þitt

Lesa nánar

Guðlaugur Þór Þórðarson utanríkisráðherra er í opinberri heimsókn á Indlandi. Með honum í för er viðskiptasendinefnd sem samanstendur af hátt í fimmtíu fulltrúum íslenskra fyrirtækja.

Í dag átti Guðlaugur Þór fundi með orkumálaráðherra Indlands, Raj Kumar Singh, og ferðamálararáðherra Indlands, K.J. Alphons, og opnaði viðskiptaþing sem Íslandsstofa stóð fyrir í samvinnu við Íslensk-indverska viðskiptaráðið, utanríkisráðuneytið og WOW air.

„Indland er annað fjölmennasta ríki heims og ört stækkandi hagkerfi. Beint áætlunarflug milli landanna opnar ýmsa möguleika á sviði ferðaþjónustu og annarra viðskipta,“

sagði Guðlaugur Þór eftir fund sinn með ferðamálaráðherra. Þar ræddu ráðherrarnir aukin umsvif í ferðaþjónustu sem viðbúið er að aukist enn frekar með beinu flugi.

Á fundi sínum með orkumálaráðherra fór Guðlaugur Þór yfir samstarfsmöguleika á sviði jarðvarma sem enn hefur ekki verið nýttur að neinu marki á Indlandi. „Á Indlandi hefur orðið mikil vakning varðandi endurnýjanlega orkugjafa til að mæta aukinni orkuþörf og stemma stigu við loftslagsbreytingum. Íslensk sérþekking á jarðhitamálum getur nýst í því samhengi en hingað til hafa Indverjar helst nýtt sólar- og vindorku í þessum tilgangi,“ sagði Guðlaugur Þór

Á vel sóttu viðskiptaþingi Íslandsstofu var lögð áhersla á ferðaþjónustu, matvæli og hátækni. „Viðskipti milli ríkjanna hafa hingað til verið fremur lítil en samstarfsmöguleikarnir eru óendanlegir,“ sagði ráðherra í opnunarávarpi sínu. Hrósaði hann sérstaklega framlagi viðskiptaráðanna en sjötíu fyrirtæki eru meðlimir í Íslensk-indverska viðskiptaráðinu og Indversk-íslenska viðskiptaráðinu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Baráttan gegn einnota plasti færð á næsta stig – Þetta er plastið sem verður bannað

Baráttan gegn einnota plasti færð á næsta stig – Þetta er plastið sem verður bannað
Eyjan
Fyrir 3 dögum

Höfuð bitið af skömminni

Höfuð bitið af skömminni
Eyjan
Fyrir 3 dögum

Umsóknum í HR fjölgar um 10%

Umsóknum í HR fjölgar um 10%
Eyjan
Fyrir 3 dögum

Ásmundur Einar duglegur við að skaffa framsóknarmönnum vinnu með pólitískum skipunum: „Ekkert óeðlilegt við það“

Ásmundur Einar duglegur við að skaffa framsóknarmönnum vinnu með pólitískum skipunum: „Ekkert óeðlilegt við það“