fbpx
Föstudagur 19.apríl 2019
Eyjan

Guðlaugur segir Sjálfstæðisflokkinn ekki skulda Gunnari Braga neitt

Ritstjórn Eyjunnar
Miðvikudaginn 5. desember 2018 12:12

Ekki missa af Helstu tíðindum dagsins í pósthólfið þitt

Lesa nánar

Guðlaugur Þór Þórðarson, utanríkisráðherra, segir að aldrei hafi Gunnari Braga Sveinssyni verið lofað að verða skipaður sendiherra. Í Klaustursupptökunum sagði Gunnar Bragi að hann ætti inni greiða hjá Sjálfstæðisflokknum fyrir að skipa Geir H. Haarde sendiherra á sínum tíma, en því hefur Bjarni Benediktsson, fjármálaráðherra og formaður sjálfstæðisflokksins, einnig neitað.

Sagði Gunnar Bragi sjálfur, eftir að fréttir úr upptökunum komu fram, að hann hefði verið að segja ósatt á Klaustur bar.

Guðlaugur segir í dag að hann hafi fundað með Bjarna og Sigmundi varðandi áhuga Gunnars Braga á sendiherrastöðu fyrir nokkrum vikum, en sá fundur hafi ekki verið á grundvelli neinna loforða:

„Fyrir fáeinum vikum áttum við Bjarni Benediktsson óformlegan fund með Sigmundi Davíð Gunnlaugssyni, formanni Miðflokksins, að frumkvæði þess síðastnefnda, þar sem hann greindi okkur frá áhuga Gunnars Braga Sveinssonar á sendiherrastöðu. Rétt er að taka fram að það er alvanalegt að ráðherra/ráðherrar hitti þingmenn að máli. Þá er ekki óalgengt að ráðherra fái uppástungur og meðmæli með fólki í stöðu sendiherra. Um efni fundarins hef ég litlu við það að bæta sem fram er komið hjá formanni Sjálfstæðisflokksins um málið. Sem fyrrverandi utanríkisráðherra kann Gunnar Bragi að hafa haft væntingar um slíka skipun en það er í það minnsta ekki á grundvelli neinna loforða, eins og formaður Sjálfstæðisflokksins, og raunar Gunnar Bragi sjálfur, hefur staðfest. Frásagnir í alræmdu samsæti á Klaustri um einhvers konar samkomulag í þessa átt voru mér enda algjörlega framandi, eins og ég hef þegar tjáð mig um.“

Þá ítrekar Guðlaugur að hann hafi enn ekki skipað neina sendiherra í tíð sinni sem utanríkisráðherra og ekki standi til að gera Gunnar Braga að sendiherra í sinni stjórnartíð:

„Ástæða er til að árétta að á þeim tæplega tveimur árum sem ég hef gegnt embætti utanríkisráðherra hef ég ekki skipað neina nýja sendiherra við utanríkisþjónustuna. Það stendur ekki til af minni hálfu að gera breytingu þar á í tilefni af framangreindri málaleitan formanns Miðflokksins. Má öllum hlutaðeigandi vera það ljóst.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Í gær

Kolbrún Baldursdóttir gagnrýnir Frístundakortin: „Hafa sumir foreldrar ekki efni á námskeiði fyrir barn sitt“

Kolbrún Baldursdóttir gagnrýnir Frístundakortin: „Hafa sumir foreldrar ekki efni á námskeiði fyrir barn sitt“
Eyjan
Í gær

FRÚ VIGDÍS FINNBOGADÓTTIR VERÐUR VERNDARI BARNAÞINGS

FRÚ VIGDÍS FINNBOGADÓTTIR VERÐUR VERNDARI BARNAÞINGS
Eyjan
Fyrir 2 dögum

Segir umræðuna um þriðja orkupakkann vera ógnandi og ofstopafulla – „Þetta er tilfinningalegt átakamál“

Segir umræðuna um þriðja orkupakkann vera ógnandi og ofstopafulla – „Þetta er tilfinningalegt átakamál“
Eyjan
Fyrir 3 dögum

Guðlaugur Þór vísar fjarstæðukenndum dylgjum andstæðinga orkupakkans til föðurhúsanna

Guðlaugur Þór vísar fjarstæðukenndum dylgjum andstæðinga orkupakkans til föðurhúsanna
Eyjan
Fyrir 3 dögum

Brynjar Níelsson: „Þið hafið kosið rangan mann á þing ef þið haldið það, kæru vinir“

Brynjar Níelsson: „Þið hafið kosið rangan mann á þing ef þið haldið það, kæru vinir“
Eyjan
Fyrir 3 dögum

Hver tekur við af Höskuldi hjá Arion banka ? – Þessir hafa verið nefndir til sögunnar

Hver tekur við af Höskuldi hjá Arion banka ? – Þessir hafa verið nefndir til sögunnar