fbpx
Mánudagur 20.maí 2019
Eyjan

Hlustaðu á sigurlag fullveldisafmælisins eftir Jóhann G. Jóhannsson

Ritstjórn Eyjunnar
Þriðjudaginn 4. desember 2018 18:30

Frá hátíðardagskrá Hörpu að kvöldi 1. desember.

Ekki missa af Helstu tíðindum dagsins í pósthólfið þitt

Lesa nánar

Í mars auglýsti afmælisnefnd aldarafmælis sjálfstæðis og fullveldis Íslands, í samstarfi við Sinfóníuhljómsveit Íslands, eftir tillögum um nýtt kórlag í tilefni aldarafmælis fullveldis. Kallað var eftir frumsömdu og óbirtu ljóði og lagi fyrir blandaðan kór og skyldi lagið hæfa tilefninu og henta vel til söngs.

Jóhann G. Jóhannsson sigraði keppnina með lagi sínu og ljóði, Landið mitt.

Lagið var frumflutt á hátíðardagskrá í Hörpu að kvöldi 1. desember. Hægt er að hlusta á lagið hér.

Mikill áhugi var fyrir samkeppninni og bárust nefndinni 60 tillögur. Dómnefndina skipuðu Árni Heimir Ingólfsson, formaður dómnefndar, fulltrúi Sinfóníuhljómsveitar Íslands, Magnús Ragnarsson, fulltrúi Tónskáldafélags Íslands, Sigurlín Bjarney Gísladóttir, fulltrúi Rithöfundasambands Íslands, Björgvin Halldórsson, fulltrúi Félags tónskálda og textahöfunda, Hlín Pétursdóttir Behrens, fulltrúi Félags íslenskra hljómlistarmanna, og Bergljót Haraldsdóttir, fulltrúi Ríkisútvarpsins.

 

Í tilkynningu segir um lagið:

„Sigurlagið Landið mitt féll einkar vel að þeim skilyrðum sem fram komu í auglýstum reglum samkeppninnar.  Lagið er í fremur hefðbundnum stíl og kallast þannig á við hefð ættjarðarlaga, er bjart og einlægt, en með áhugaverðri úrvinnslu í dekkri millikafla. Ljóðið er lofsöngur til Íslands og fangar vel sérstöðu landsins í öllum sínum fjölbreytileika og andstæðum, en um leið er horft til framtíðar og í lokahendingunni rennur skáldið eða ljóðmælandinn saman við landið sjálft.“

Landið mitt

Þú ert ís, þú ert eldur og aldan blá,
þú ert auður og von og trú,
þú ert friðsæld og frelsi og fjöllin há,
landið fegursta, það ert þú.

Þegar vorsólin rís yfir borg og bæ
og hvert blóm fær sitt líf og lag
berst sem óður til lífsins í ljúfum blæ
söngur lóu um sumardag.

Þú ert napurt norðanél,
þín er nóttin svört sem hel,
þú ert dimm og hyldjúp gjá,
þú ert dáið, lítið strá.
Góða Ísland, gamla Ísland,
þú sem geymir mín spor,
gef mér kjark, gef mér dug, gef mér þor!

Sé með svikum og vélráðum veist að þér
skal ég verja hvern dal og hól
og að endingu tekur á móti mér
moldin þín þegar sest er sól.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Forsætisráðherra skólaður til í fræðunum: Þjóðin er stjórnarskrárgjafinn, ekki þingið

Forsætisráðherra skólaður til í fræðunum: Þjóðin er stjórnarskrárgjafinn, ekki þingið
Eyjan
Fyrir 2 dögum

Ný skýrsla um kynferðislega áreitni í ráðuneytum Íslands – Þolendur hikandi við að kvarta

Ný skýrsla um kynferðislega áreitni í ráðuneytum Íslands – Þolendur hikandi við að kvarta
Eyjan
Fyrir 3 dögum

Þórhildur Sunna braut siðareglur – Sögð kasta rýrð á Alþingi og skaða ímynd þess

Þórhildur Sunna braut siðareglur – Sögð kasta rýrð á Alþingi og skaða ímynd þess
Eyjan
Fyrir 3 dögum

Ásmundur skipar Jón Sigurðsson umsjónarmann samstarfshóps

Ásmundur skipar Jón Sigurðsson umsjónarmann samstarfshóps
Eyjan
Fyrir 3 dögum

Segja eldhúsið hafa gleymst við hönnun Dalskóla – Börnin látin koma með nesti þvert á grunnskólalög

Segja eldhúsið hafa gleymst við hönnun Dalskóla – Börnin látin koma með nesti þvert á grunnskólalög
Eyjan
Fyrir 3 dögum

Klippt á borða í Hrafnistu: 30 ný dvalarrými opnuð

Klippt á borða í Hrafnistu: 30 ný dvalarrými opnuð
Eyjan
Fyrir 4 dögum
Ríki í ríkinu