fbpx
Mánudagur 22.júlí 2019  |
Eyjan

Greiða borginni 15.000 krónur í húsaleigu á mánuði – Einn leigjendanna er dóttir yfirmanns skrifstofunnar sem gerði leigusamninganna

Kristján Kristjánsson
Mánudaginn 19. nóvember 2018 08:20

Alliance-húsið. Mynd úr kynningarefni Reykjavíkurborgar

Ekki missa af Helstu tíðindum dagsins í pósthólfið þitt

Lesa nánar

Árið 2012 keypti Reykjavíkurborg húsið að Grandagarði 2, oft nefnt Alliance húsið, af félagi í eigu Ingunnar Wernersdóttur. Kaupverðið var 350 milljónir. Borgin greiddi síðan 106 milljónir fyrir að láta gera húsið upp að utan. Svo virðist sem leigjendur hafi fengið sannkölluð kostakjör hjá borginni og greiddu sumir þeirra aðeins 15.000 krónur á mánuði í leigu.

Fréttablaðið skýrir frá þessu í dag. Fram kemur að nýlega hafi borgin selt húsið og byggingarétt á lóðinni fyrir 900 milljónir króna. Í tengslum við söluna voru núverandi leigusamningar birtir með öðrum gögnum málsins. Fram kemur að fjórir leigjendur á efri hæð hússins hafi greitt 15.000 krónur á mánuði í leigu. Hér er um listamenn að ræða og tóku leigusamningarnir gildi í ársbyrjun 2013. Meðal þessara leigjenda er Sigrún Inga Hrólfsdóttir sem er dóttir Hrólfs Jónssonar. Hrólfur var skrifstofustjóri skrifstofu eigna- og atvinnuþróunar hjá Reykjavíkurborg þegar samningarnir voru gerðir en það var einmitt skrifstofa hans sem sá um gerð þeirra.

Fréttablaðið segir að samkvæmt svari frá borginni hafi leigjendurnir verið til staðar í húsinu þegar borgin keypti það og þá hafi þeir ekki greitt leigu. Hvað varðar leiguupphæðina var svarið að hún hafi verið samkomulagsatriði á milli aðila.

Tvö stærri rými hússins eru einnig leigð út og greiðir félagið Bismarck ehf. 400.000 krónur á mánuði fyrir leigu á 444 fermetrum. Sögusafnið Perlunni ehf. greiðir 580.480 krónur fyrir leigu á 725 fermetrum á fyrstu hæð hússins. Allir leigusamningarnir eru vísitölubundnir.

Frá ársbyrjun 2013 hefur borgin haft 72 milljónir í leigutekjur af húsinu.

Fréttablaðið hefur eftir Vigdísi Hauksdóttur, borgarfulltrúa Miðflokksins, að ljóst sé að ekki hafi allt verið með felldu í þessu máli.

„Ekki frekar en í öðrum verkefnum borgarinnar að undanförnu. Það er með ólíkindum að borgin sé sem leigusali að gera samninga á miklu hagstæðari kjörum en hún sjálf leigir húsnæði, á, til dæmis í Borgartúni. Þetta er svo úr takti við allt sem gengur og gerist. Borgin er beinlínis að gefa frá sér gæði, takmarkaða auðlind, á fyrstu og annarri hæð þessa húss. Að leigja svona á innan við þúsund krónur fermetrann, fólk mun verða brjálað.“

Er haft eftir Vigdísi.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Vilhjálmur Birgisson er ósáttur: „Hvar er fjármálaeftirlitið núna?“ -„Ættu að sjá manndóm í sér og biðja þau öll afsökunar“

Vilhjálmur Birgisson er ósáttur: „Hvar er fjármálaeftirlitið núna?“ -„Ættu að sjá manndóm í sér og biðja þau öll afsökunar“
Eyjan
Fyrir 2 dögum

Neytendasamtökin fordæma Almenna innheimtu: „Vextir á smálánum eru margfalt hærri en heimilt er samkvæmt lögum“

Neytendasamtökin fordæma Almenna innheimtu: „Vextir á smálánum eru margfalt hærri en heimilt er samkvæmt lögum“
Eyjan
Fyrir 3 dögum

Brynjar: „Of langt gengið að krefjast þess að erlendir jarðakaupendur búi hérlendis“

Brynjar: „Of langt gengið að krefjast þess að erlendir jarðakaupendur búi hérlendis“
Eyjan
Fyrir 3 dögum

Segir Óla Björn tala í anda Trump og sakar hann um tvískinnung: „Hann verður að leggja sig miklu betur fram“

Segir Óla Björn tala í anda Trump og sakar hann um tvískinnung: „Hann verður að leggja sig miklu betur fram“