Þessi mynd frá nýkjörnu Bandaríkjaþingi segir meiri sögu en þúsund orð. Þarna má sjá nýja þingmenn í fulltrúadeildinni. Fyrir ofan eru þingmenn Repúblikana, 31 talsins.
Það eru 30 karlar og ein kona. Karlarnir eru allir hvítir og eiginlega allir miðaldra. Þetta eru Repúblikanar Trump tímans. Helmingurinn af þeim er meira að segja með eins hálsbindi, þetta er svo einsleitt.
Þarna eru svo 40 nýir þingmenn Demókrata. Þar af eru 22 konur. Fólkið er af mismunandi kynþætti. 11 hvítir karlar, sýnist manni.
Og þarna er í hópnum Alexandria Ocasio-Cortez, ný stjórnmálastjarna frá New York, en hún er yngsta kona sem hefur verið kjörin til þingmennsku í Bandaríkjunum – 29 ára.
