fbpx
Laugardagur 23.mars 2019
Eyjan

Sautján nýir aðstoðarmenn kosta jafnmikið og SÁÁ vantar

Ritstjórn Eyjunnar
Þriðjudaginn 13. nóvember 2018 08:55

Ljósmynd: DV/Hanna

Ekki missa af Helstu tíðindum dagsins í pósthólfið þitt

Lesa nánar

„Það hleypur auðvitað eitthvað talsvert á annað hundrað milljónir króna að sjálfsögðu, 17 aðstoðarmenn, 150 til 200 milljónir sem þurfa að bætast við í þennan lið,“ sagði Steingrímur J. Sigfússon, forseti Alþingis, í fréttum RÚV í gærkvöldi.

Aðstoðarfólki þingflokka verður fjölgað í áföngum á næstunni en alls verða til sautján nýjar stöður innan þriggja ára. Steingrímur segir að með þessu sé verið að efla þingið.

Að undanförnu hefur talsvert verið rætt um vanda SÁÁ og þá staðreynd að samtökin vantar um 200 milljónir króna til að losna við biðlista. Svo vill til að þetta er sama upphæð og kostnaðurinn við fjölgun aðstoðarmanna nemur.

Sigurjón M. Egilsson fjölmiðlamaður á Miðjunni benti á þetta á vef sínum og sagði: „SÁÁ getur gert betur, tekið fleiri í meðferð en nú er gert. Til að svo verði þarf SÁÁ um 200 milljónir til viðbótar. Fjármálaráðherra hefur ekki sýnt neina viðleitni til að koma til móts við SÁÁ“. Sigurjón vitnaði svo í ummæli Steingríms um kostnaðinn við fjölgun aðstoðarmanna og sagði:  „Peningarnir eru sannanlega til. Forgangsröðin er það líka.“

Margir hafa kallað eftir því að stjórnvöld leggi til þá fjármuni sem þarf til að losna við biðlista á Vogi.

„Það er far­ald­ur af fíkni­sjúk­dóm­um á Íslandi í dag og fólk er að deyja af þeim. Fíkni­sjúk­dóm­ar eru al­geng­asti dauðdagi ungs fólks á Íslandi í dag á milli 18 ára og fer­tugs,“ sagði Kári Stefánsson, forstjóri Íslenskrar erfðagreiningar, í Silfrinu fyrir skemmstu. Vegna þessara biðlista deyi stór hópur fólks.

Inga Sæland, formaður Flokks fólksins, sagði í grein í Morgunblaðinu fyrir skemmstu:

„Ég efa það ekki eitt andartak að ef öll þessi hörmulegu og ótímabæru dauðsföll væru af öðrum völdum en fíknar, þá væri búið að kalla saman öll öryggis- og viðbragðsteymi landsins eins og um náttúruhamfarir væri að ræða. Þess í stað virðist ríkjandi algjört andvaraleysi stjórnvalda gagnvart því ákalli sem berst til þeirra frá samfélaginu. Ákalli um hjálp fyrir þá sem á þurfa að halda.

Steingrímur J. Sigfússon sagði að fjölgun aðstoðarmanna væri í samræmi við stjórnarsáttmálann, að efla og styrkja Alþingi. „Það er ánægjuefni að við erum núna að sækja fram á nýjan leik,“ sagði hann meðal annars.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Eyjan
Fyrir 13 klukkutímum
Fallinn strompur

Mest lesið

Ekki missa af

Eyjan
Fyrir 18 klukkutímum

Silja Bára nýr formaður Jafnréttisráðs

Silja Bára nýr formaður Jafnréttisráðs
Eyjan
Fyrir 20 klukkutímum

Viðræður hafnar á nýjan leik á milli WOW air og Icelandair – Öll sund að lokast hjá WOW air

Viðræður hafnar á nýjan leik á milli WOW air og Icelandair – Öll sund að lokast hjá WOW air
Eyjan
Í gær

Bændur forviða á sýklalyfjaónæmi í íslensku sauðfé:  „Eitthvað sem maður gerði ekki ráð fyrir“

Bændur forviða á sýklalyfjaónæmi í íslensku sauðfé:  „Eitthvað sem maður gerði ekki ráð fyrir“
Eyjan
Í gær

Vill að hæstu laun verði aldrei hærri en þreföld lágmarkslaun

Vill að hæstu laun verði aldrei hærri en þreföld lágmarkslaun
Eyjan
Fyrir 2 dögum

Hin fallvalta gæfa í verslunarrekstri á Laugaveginum – tilraun til að sjá deiluna um umferðarmálin frá báðum hliðum

Hin fallvalta gæfa í verslunarrekstri á Laugaveginum – tilraun til að sjá deiluna um umferðarmálin frá báðum hliðum
Eyjan
Fyrir 2 dögum

Prentmet kaupir prentsmiðjuna Odda

Prentmet kaupir prentsmiðjuna Odda