Sjónvarpsstöðin CNN hefur kært Donald Trump Bandaríkjaforseta og fjölmarga aðstoðarmenn hans í Hvíta húsinu fyrir meint brot á tjáningarfrelsi blaðamannsins Jim Acosta eftir að blaðamaðurinn var sviptur aðgangi sínum að Hvíta húsinu. Ákvörðunin var tekin í kjölfar heiftarlegrar deilu forsetans og Acosta um innflytjendamál á blaðamannafundi í Hvíta húsinu fyrir skömmu (sjá myndskeið að neðan).
Trump kallaði Acosta „hræðilega manneskju“ en blaðamaðurinn leiddist út í rökræður við forsetann í stað þess að leggja fyrir hann spurningar. Í síðustu viku var blaðamannapassi Acosta að Hvíta húsinu felldur úr gildi. Trump hefur hvað eftir annað lagt illt orð til CNN og sagt stöðina vera falsfréttamiðil.