fbpx
Mánudagur 17.júní 2019
Eyjan

Seðlabankinn hækkar stýrivexti – Vilhjálmur: „Þetta er nánast stríðsyfirlýsing“

Ritstjórn Eyjunnar
Miðvikudaginn 7. nóvember 2018 09:21

Ekki missa af Helstu tíðindum dagsins í pósthólfið þitt

Lesa nánar

Peningastefnunefnd Seðlabanka Íslands hefur ákveðið að hækka vexti bankans um 0,25 prósentur. Meginvextir bankans, vextir á sjö daga bundnum innlánum, verða því 4,5%. Þetta kemur fram í tilkynningu frá bankanum en ákvörðunin var kynnt í morgun.

„Hagvöxtur á síðasta ári og á fyrri hluta þessa árs var meiri en fyrri áætlanir höfðu gert ráð fyrir. Þrátt fyrir vísbendingar um hægari vöxt á seinni hluta ársins er spáð 4,4% hagvexti á árinu öllu í nóvemberhefti Peningamála. Það er tæplega 1 prósentu meiri vöxtur en bankinn spáði í ágúst. Gert er ráð fyrir að hægja muni á hagvexti á næstu misserum og að spenna hverfi úr þjóðarbúskapnum,“ segir í tilkynningunni.

Bent er á það að verðbólga hafi verið 2,8% í október og munurinn milli mælikvarða á verðbólgu með og án húsnæðis hafi ekki verið álíka lítill í rúm fjögur ár.

Tilkynning Seðlabankans um hækkun stýrivaxta fer illa í verkalýðsforystuna og gagnrýndi Vilhjálmur Birgisson, formaður Verkalýðsfélags Akraness og 1. varaforseti ASÍ, hana harðlega á Facebook-síðu sinni í morgun.

„Þetta er nánast stíðsyfirlýsing og líkurnar á hörðum átökum á íslenskum vinnumarkaði hafa aukist umtalsvert eftir þessa ákvörðun Seðlabankans, enda er ein af okkar aðalkröfum að vextir á Íslandi lækki,“ sagði Vilhjálmur.

Í tilkynningu Seðlabankans segir að áfram dragi úr árshækkun húsnæðisverðs en á móti komi að innflutningsverð hafi hækkað umtalsvert að undanförnu. „Að hluta endurspeglar það hækkun olíuverðs á alþjóðamarkaði en gengi krónunnar hefur einnig lækkað frá því í ágúst.“

Í tilkynninu Seðlabankans segir að horfur séu á að verðbólga haldi áfram að aukast og verði nokkuð yfir markmiði á næsta ári. Þá hafi verðbólguvæntingar hækkað undanfarið og eru nú yfir markmiði á alla mælikvarða. „Verðbólguhorfur hafa því versnað en á móti vega horfur á að hraðar dragi úr vexti efnahagsumsvifa en áður var talið.“

Þá segir að aukin verðbólga og hærri verðbólguvæntingar síðustu mánuði hafi lækkað raunvexti Seðlabankans umfram það sem æskilegt er í ljósi núverandi efnahagsástands og -horfa. Því er nauðsynlegt að hækka vexti bankans nú, að mati bankans.

„Peningastefnan mun á næstunni ráðast af samspili minni spennu í þjóðarbúskapnum, launaákvarðana og þróunar verðbólgu og verðbólguvæntinga.“

Í tilkynningunni ítrekar peningastefnunefnd að hún hafi bæði vilja og þau tæki sem þarf til að halda verðbólgu við markmið til lengri tíma litið. „Haldi verðbólguvæntingar áfram að hækka og festist í sessi umfram markmið mun það kalla á harðara taumhald peningastefnunnar. Aðrar ákvarðanir, einkum á vinnumarkaði og í ríkisfjármálum, hafa þá áhrif á hversu mikill fórnarkostnaður verður í lægra atvinnustigi.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Umsóknum í HR fjölgar um 10%

Umsóknum í HR fjölgar um 10%
Eyjan
Fyrir 2 dögum

Ásmundur Einar duglegur við að skaffa framsóknarmönnum vinnu með pólitískum skipunum: „Ekkert óeðlilegt við það“

Ásmundur Einar duglegur við að skaffa framsóknarmönnum vinnu með pólitískum skipunum: „Ekkert óeðlilegt við það“
Eyjan
Fyrir 3 dögum

Maður vinnur ekki ef maður spilar við eiganda spilavítisins

Maður vinnur ekki ef maður spilar við eiganda spilavítisins
Eyjan
Fyrir 3 dögum

Benedikt gagnrýnir hæfisnefnd um stöðu seðlabankastjóra – „Þetta er í hæsta máta óeðlilegt“

Benedikt gagnrýnir hæfisnefnd um stöðu seðlabankastjóra – „Þetta er í hæsta máta óeðlilegt“
Eyjan
Fyrir 4 dögum

Ole segir það alvarleg mistök að hafa látið WOW air falla – Spyr hvort oddvitar ríkisstjórnarinnar séu eftirsóttir í stjórnir fyrirtækja

Ole segir það alvarleg mistök að hafa látið WOW air falla – Spyr hvort oddvitar ríkisstjórnarinnar séu eftirsóttir í stjórnir fyrirtækja
Eyjan
Fyrir 4 dögum

Sigurður Ingi samþykkir breytingar á úthlutunum til sveitarfélaga

Sigurður Ingi samþykkir breytingar á úthlutunum til sveitarfélaga