fbpx
Föstudagur 19.apríl 2019
Eyjan

Fjöld jólabóka sem gerast á hinum mögnuðu Ströndum

Egill Helgason
Þriðjudaginn 6. nóvember 2018 21:46

Ekki missa af Helstu tíðindum dagsins í pósthólfið þitt

Lesa nánar

Strandir hafa verið mikið í fréttum undanfarin misseri vegna deilna um virkjanamál og ósættis milli íbúa. En nú svo við að Strandir – þetta merka og dularfulla hérað – eru í aðalhlutverki í útgáfu jólabókaflóðsins.

Mér telst svo til að fjórar bækur sem eru að koma út gerist á Ströndum.

Bergsveinn Birgisson ritar bókina Lifandi lífslækur. Hún fjallar um danskan upplýsingamann sem fer í könnunarleiðangur norður á Strandir á tíma móðuharðindanna. Þar mætir honum ýmslegt sem ruglar hann í ríminu og skekur heimsmynd hans.

Tapio Koivukari telst eiginlega vera íslenskur höfundur, altalandi á íslensku og velur sér gjarnan íslensk söguefni þótt hann skrifi á finnsku. Sigurður Karlsson þýðir bækur hans af mikilli kunnáttu. Tapio sendir frá sér bókina Galdra-Möngu. Hún fjallar um galdrafár á Ströndum á 17. öld, karla sem eru brenndir vegna ásakana um galdur og unga konu sem reynir að forða sér undan brjálæðinu.

Emil Hjörvar Petersen er gríðarlega ötull höfundur á sviði fantasíubóka. Bók hans Nornasveimur gerist í nútímanum, meðal annars í Trékyllisvík á Ströndum, en í sagnaheimi Emils tengist hún líka galdrabrennum og öflum úr öðrum heimum.

Svo er að nefna rit sem nefnist Kambsmálið, engu gleymt, ekkert fyrirgefið eftir Jón Hjartarson. Það fjallar um frægt mál frá 1953 þegar átti að leysa upp heimilið að Kambi í Árneshreppi og bjóða það upp, en þá var faðirinn nýlátinn, móðirin á berklahæli en börnin átta heima fyrir á aldrinum 7 til 18 ára.

Loks má geta bókarinnar Á mörkum mennskunnar, en þar segir frá flökkufólki, rekur sagnir af því og skýrir stöðu þess í íslenska sveitasamfélaginu. Bókin tengist Ströndum þó ekki að öðru leyti en því að höfundurinn, Jón Jónsson þjóðfræðingur, er Strandamaður og búsettur á Hólmavík.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Í gær

Kolbrún Baldursdóttir gagnrýnir Frístundakortin: „Hafa sumir foreldrar ekki efni á námskeiði fyrir barn sitt“

Kolbrún Baldursdóttir gagnrýnir Frístundakortin: „Hafa sumir foreldrar ekki efni á námskeiði fyrir barn sitt“
Eyjan
Í gær

FRÚ VIGDÍS FINNBOGADÓTTIR VERÐUR VERNDARI BARNAÞINGS

FRÚ VIGDÍS FINNBOGADÓTTIR VERÐUR VERNDARI BARNAÞINGS
Eyjan
Fyrir 2 dögum

Segir umræðuna um þriðja orkupakkann vera ógnandi og ofstopafulla – „Þetta er tilfinningalegt átakamál“

Segir umræðuna um þriðja orkupakkann vera ógnandi og ofstopafulla – „Þetta er tilfinningalegt átakamál“
Eyjan
Fyrir 3 dögum

Guðlaugur Þór vísar fjarstæðukenndum dylgjum andstæðinga orkupakkans til föðurhúsanna

Guðlaugur Þór vísar fjarstæðukenndum dylgjum andstæðinga orkupakkans til föðurhúsanna
Eyjan
Fyrir 3 dögum

Brynjar Níelsson: „Þið hafið kosið rangan mann á þing ef þið haldið það, kæru vinir“

Brynjar Níelsson: „Þið hafið kosið rangan mann á þing ef þið haldið það, kæru vinir“
Eyjan
Fyrir 3 dögum

Hver tekur við af Höskuldi hjá Arion banka ? – Þessir hafa verið nefndir til sögunnar

Hver tekur við af Höskuldi hjá Arion banka ? – Þessir hafa verið nefndir til sögunnar