fbpx
Föstudagur 22.mars 2019
Eyjan

Stundin, Bjarni Ben og Streisand-áhrifin

Egill Helgason
Mánudaginn 29. október 2018 08:46

Ekki missa af Helstu tíðindum dagsins í pósthólfið þitt

Lesa nánar

Stundin tók það skref að halda áfram að birta efni byggt á Glitnisskjölunum nú fyrir helgina. Það er fagnaðarefni. Lögbannið var vitleysa frá fyrstu tíð og hneisa hversu langan tíma hefur tekið að fjalla um það í réttarkerfinu.

Úr sliku verður að bæta. Mál af þessu tagi á að vera hægt að afgreiða á stuttum tíma, ef þau koma upp – og auðvitað á að fara mjög varlega í beitingu lögbanna gegn tjáningarfrelsinu. Sýslumaðurinn í Reykjavík fær líka á baukinn þegar lögbannið er fellt úr gildi, fyrst í Héraðsdómi og síðan í Landsrétti. Því verður varla trúað að stjórnendur hins fallna Glitnis reyni að fara með málið í Hæstarétt.

Stundin birti efni upp úr skjölunum í tölublaði sínu fyrir helgi. Framsetningin var mjög kraftmikil. Margra blaðsíðna umfjöllun inni í blaðinu, öflug forsíða með stórri mynd af Bjarna Ben og vandlega völdum fyrirsagnapunktum. Allt virkar þetta mjög neyðarlega fyrir hann.

En það verður samt að segja eins og er að í þessari umfjöllun blaðsins var sáralítið nýtt. Flest af þessu hefur birst áður, þótt kannski hafi það ekki verið sett í nákvæmlega þetta samhengi. Enda fór svo að aðrir fjölmiðlar tóku ekki upp umfjöllun Stundarinnar.

Það var ekki vegna þess, eins og maður hefur heyrt haldið fram, að þeir séu svo huglausir eða hræddir við valdið, heldur vegna þess að þeir komu ekki auga á nýja fréttapunkta.

Svo verður forvitnilegt að sjá á næstu vikum hvort eitthvað nýtt kemur upp úr birtingu skjalanna frá Glitni og hvað ritstjórn Stundarinnar metur að eigi erindi við almenning. Fyrir  ári, þegar Stundin var að birta upplýsingar um Bjarna Benediktsson og fjölskyldu hans í nokkrum tölublöðum, hafði maður á tilfinningunni að málið væri farið að þynnast út – að það væri nánast tæmt áður en lögbannið var sett á.

Meðal annars þess vegna kom lögbannskrafan á óvart. Hún magnaði málið upp – styrkti verulega stöðu Stundarinnar sem fjölmiðils. Í þessu sambandi má nefna það sem í Bandaríkjunum kallast Streisand-áhrifin. Byggir á því þegar söng- og leikkonan Barbra Streisand reyndi árið 2003 að stöðva birtingu af stórhýsi sínu í Malibu í Kaliforníu. Þetta varð til þess að umfjöllunin barst miklu víðar en hún hefði gert ella – og virkaði óþægilegri fyrir Streisand.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Í gær

Neita að skrifa undir skýrsluna: „Sorglegt að hlusta á villandi og rangan málflutning í ræðustóli Alþingis“

Neita að skrifa undir skýrsluna: „Sorglegt að hlusta á villandi og rangan málflutning í ræðustóli Alþingis“
Eyjan
Í gær

Hannes „styrkjasnillingur“ svarar „gamansögu“ Helga: Stendur uppi sem samningaglópur

Hannes „styrkjasnillingur“ svarar „gamansögu“ Helga: Stendur uppi sem samningaglópur
Eyjan
Í gær

Björn Bjarnason svarar Sólveigu Önnu: „Já, þetta er „ótrúlega klikkað“

Björn Bjarnason svarar Sólveigu Önnu: „Já, þetta er „ótrúlega klikkað“
Eyjan
Í gær

Ragnar Þór tekur við af Guðbrandi sem formaður

Ragnar Þór tekur við af Guðbrandi sem formaður
Eyjan
Fyrir 2 dögum

Seðlabankastjóri veit ekki hvort útreikningarnir í Samherjamálinu séu réttir eða rangir

Seðlabankastjóri veit ekki hvort útreikningarnir í Samherjamálinu séu réttir eða rangir
Eyjan
Fyrir 2 dögum

Örn baunar á verkalýðshreyfinguna og Alþingismenn: „Synd að segja að hinar sveru gráður hafi aukið greind þeirra“

Örn baunar á verkalýðshreyfinguna og Alþingismenn: „Synd að segja að hinar sveru gráður hafi aukið greind þeirra“