Ég birti mjög merkilegt viðtal í Silfrinu á morgun. Það er við James Galbraith hagfræðing. Galbraith er ómyrkur í máli um ýmis mál, stöðu evrunnar, meðferðina á Grikklandi sem hann fordæmir, ofurvald banka og fjármálastofnuna, útbreitt svindl í fjármálaheiminum og refsileysi vegna þess.,

Í viðtalinu ber Ísland líka á góma, leið okkar úr kreppunni, já og islenska krónan.

Galbraith er höfundur fjölda bóka, prófessor við háskólann í Austin í Texas, og sonur hins fræga Johns Kenneths Galbraith sem var mikill áhrifamaður í Bandaríkjunum á síðustu öld og ráðgjafi margra forseta.

Þátturinn hefst klukkan 11 á RÚV.