fbpx
Föstudagur 22.mars 2019
Eyjan

Skrifstofur, verslunarrými, fleiri veitingahús – jafnvel pláss fyrir nýja mathöll?

Egill Helgason
Fimmtudaginn 25. október 2018 20:47

Ekki missa af Helstu tíðindum dagsins í pósthólfið þitt

Lesa nánar

Frá því er greint í Morgunblaðinu í dag að Hitt húsið muni flytja úr Pósthússtræti þar sem það hefur haft aðsetur næstum tvo áratugi. Hitt húsið er félagsmiðstöð ungs fólks, þar fer fram margvísleg starfsemi eins og sjá má á vefsíðu þess.  Í kringum Hitt húsið hefur ætíð verið litskrúðugt og skemmtilegt mannlíf –  alveg í hjarta miðbæjarins, á horni Austurstrætis og Pósthússtrætis.

Þetta eru sögufrægar byggingar, Pósthússtræti 3 og 5.  Annað þeirra hefur hýst pósthúsið í Reykjavík í meira en hundrað ár. Nú er pósturinn að hverfa þaðan. Hitt var byggt sem barnaskóli en var síðan lögreglustöð um árabil.

Nú er fasteignafélagið Reitir orðið eigandi þessara bygginga. Hitt húsið er að missa leiguna og hverfur á braut með starfsemi sína – og allt unga fólkið.

Þá er von að maður spyrji – hvað kemur í staðinn? Vonandi eitthvað skemmtilegt – sem hæfir þessum merku byggingum.

Svarið er að finna í auglýsingu sem birtist á internetinu á ensku. Þar er sagt að hægt verði að leigja húsnæði þarna frá árinu 2019 – og sérstaklega nefnt að þarna verði skrifstofur, verslunarrými og pláss fyrir veitingasölu.

Enginn hefur enn nefnt mathöll – en það gæti komið að því.

Eitthvað segir manni samt að ekki verði mikill skortur á plássi undir skrifstofur, verslanir og veitingastaði í bænum á næstu árum. Væri kannski hægt að kalla eftir betri hugmyndum? Lyfta þessu á hærra plan?

Annars er margt að gerast í Pósthússtrætinu. Ólafur Teitur Guðnason setti þessa mynd á Facebook og heldur því fram að hún sé raunveruleg. „Benedorm“ – er það komið til að vera?

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Í gær

Sjáðu stærð Íslands í hlutfalli við önnur lönd og eyjar – Sannleikurinn gæti komið á óvart

Sjáðu stærð Íslands í hlutfalli við önnur lönd og eyjar – Sannleikurinn gæti komið á óvart
Eyjan
Í gær

Björn Bjarnason svarar Sólveigu Önnu: „Já, þetta er „ótrúlega klikkað“

Björn Bjarnason svarar Sólveigu Önnu: „Já, þetta er „ótrúlega klikkað“
Eyjan
Fyrir 2 dögum

Ólafur fékk skammir fyrir að kalla Dómkirkjuna „almenningsnáðhús“ – „Kirkjan opin öllum“ segir prestur

Ólafur fékk skammir fyrir að kalla Dómkirkjuna „almenningsnáðhús“ – „Kirkjan opin öllum“ segir prestur
Eyjan
Fyrir 2 dögum

Málefnaáherslur framboðs Íslands til setu í framkvæmdastjórn UNESCO kynntar í ríkisstjórn

Málefnaáherslur framboðs Íslands til setu í framkvæmdastjórn UNESCO kynntar í ríkisstjórn