Inga Sæland, formaður Flokks fólksins, segir að Alþingi einkennist oft af hagsmunagæslu þingmanna og í raun sé landinu stjórnað af hagsmunasamtökum. að innan veggja þingsins séu alls staðar leyndarmál.
„Það eru einhvern vegin alls staðar leyndarmál. Það er verið að reyna að vera með alls konar tilhliðranir í kerfinu hingað og þangað. Inni í þinginu, á þann hátt að þú klórar mér og ég þér og það er bara einum of áberandi og ég verð að segja að útsýnið sem ég persónulega hef fengið inni á Alþingi Íslendinga, það er ótrúlegt útsýni, ég verð nú bara að segja það að ég hef bara ekki séð annað eins,“ sagði Inga í þættinum Sprengisandi á Bylgjunni í morgun.
„Ég get ekki farið nákvæmlega í það hvað maður var að sjá ákveðna aðila hlaupa oft á milli til að hringja og spyrja: „Megum við gera þetta, er þetta í lagi, er þetta óhætt,“ svo er komið til baka með einhverja málamiðlun eða breytingatillögu til baka.“
Nefnir hún veiðigjaldafrumvarpið sem dæmi um hvernig hagsmunasamtök stjórni landinu. „Þau eru hinir eiginlegu stjórnendur Íslands í dag. Það er nú bara svo einfaldlega svo stórt sem ég mun segja. Það er bara þannig, Mér sýnist það birtast i því hvernig löggjöfin er slegin sundur og saman fyrir ákveðin hagsmunaöfl.“