Stuðningur við ríkisstjórnina fer vaxandi en 47,5% sögðust styðja ríkisstjórnina í nýrri könnun MMR, 41,1% studdu ríkisstjórnina í síðustu mælingu.
Sjálfstæðisflokkurinn mældist með stuðning 20,8% landsmanna og er því stærsti stjórnmálaflokkurinn á Alþingi samkvæmt nýrri könnun MMR sem framkvæmd var dagana 3.-9. október. Fylgi Sjálfstæðisflokksins minnkaði um hálft prósentustig frá síðustu mælingu sem lauk 12. september. Samfylkingin mældist með 16,7% fylgi sem er rúmum þremur prósentustigum minna en í síðustu mælingu. Píratar mældust með 12,7% fylgi sem er hálfu prósentustigi minna en í síðustu mælingu. Þá bætti Miðflokkurinn rúmu prósentustigi við fylgi sitt frá síðustu mælingum og mældist nú með 11,9% fylgi.
Fylgi Vinstri grænna dalar eilítið og mælist nú 10,9% og mældist 11,1% í síðustu könnun. Fylgi Framsóknarflokks fer upp lítillega og mældist nú 8,9% og mældist 8,1% í síðustu könnun.
Viðreisn mælist nú 8,6% en mældist 7,9% í síðustu könnun. Fylgi Flokks fólksins mælist nú 6,1% og mældist 5,3% í síðustu könnun. Fylgi annarra flokka mældist 3,2% samanlagt.