fbpx
Þriðjudagur 18.júní 2019
Eyjan

Bæjarstjóri sakar Óttar um rasisma – Þetta sagði Óttar orðrétt í Kastljósi

Ari Brynjólfsson
Þriðjudaginn 9. október 2018 09:45

Guðmundur Gunnarsson bæjarstjóri og Óttar Yngvason lögmaður. Samsett mynd/Skjáskot af vef RÚV.

Ekki missa af Helstu tíðindum dagsins í pósthólfið þitt

Lesa nánar

Guðmundur Gunnarsson, bæjarstjóri Ísafjarðar, sakar Óttar Yngvason, lögmann Náttúruverndarsamtakanna um rasisma í viðtali í Kastljósi í gær. Óttar ræddi um fiskeldi á Vestfjörðum og boðaðar lagabreytingar í kjölfar ákvörðunar Úrskurðarnefndar um umhverfis- og auðlindamál um að fella úr gildi leyfi tveggja fiskeldisfyrirtækja á svæðinu. Íbúi á Bíldudal sem Eyjan ræddi við í gær sagði að margir á svæðinu væru með hnút í maganum vegna óvissunnar um hvort fiskeldisfyrirtækin færu burt eða ekki.

Sjá einnig: Uppnám meðal íbúa á Bíldudal

Líkt og Eyjan greindi frá í morgun er Guðmundur allt annað en sáttur við framgöngu Óttars í þættinum og segir hann hafa slegið Vestfirðinga með „svellkaldri rasistatusku“ í andlitið. Guðmundur segir að Óttar hafi farið fram með rangfærslur og rasisma í málflutningi sínum þegar hann talaði gegn sjókvíaeldi á Vestfjörðum.

Sjá einnig: Bæjarstjóri Ísafjarðarbæjar segir lögmann hafa slegið Vestfirðinga með „svellkaldri rasistatusku“

Hér fyrir neðan má sjá hvað Óttar Yngvason sagði varðandi atvinnu á svæðinu í Kastljósþættinum í gær er hann ræddi við Einar Þorsteinsson fréttamann. Lesendur geta svo lagt mat á hvort um sé að ræða „svellkaldra rasistatusku“ eða ekki.

Einar spurði hann hvort það væri ekki rétt að gæta meðalhófs þar sem fólk byggi afkomu sína á þessum fyrirtækjum.

Óttar: „Þetta eru örfáir menn sem eru þarna við störf. Og mest er það nú Pólverjar eða útlendingar.“

Einar skaut þá inn: „Þeir þurfa nú líka að vinna.“

„Já já. Þeir geta unnið líka víðar. Og þarna eiga þeir ekki nema bara bráðabirgðaheimili.“

Einar sagði þá: „Það er nú kannski ekki alveg hægt að segja það.“

Atvinnumálin bar aftur á góma stuttu síðar, spurði Einar:

„Hvað finnst þér um þau sjónarmið að þarna sé verið að kippa grundvellinum undan atvinnustarfsemi á þessu svæði?“

„Þessi atvinnustarfsemi er ný þarna á svæðinu. Þetta eru örfáir aðilar sem að vinna við þetta…“

Einar: „Menn hafa talið þetta upp í 300 störf.“

Óttar: „Það er bara vitleysa. Það eru kannski 10-15 störf þarna í Patreksfirðinum og ekkert byrjað í Tálknafirðinum.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 3 dögum

Patagonia og Landvernd gegn fiskeldi í opnum sjókvíum: „Við eigum að læra af slæmri reynslu nágrannaríkja“

Patagonia og Landvernd gegn fiskeldi í opnum sjókvíum: „Við eigum að læra af slæmri reynslu nágrannaríkja“
Eyjan
Fyrir 3 dögum

Telur fréttamenn RÚV mótmæla handtöku Assange á fölskum forsendum: „Nokkuð langsótt að þessu sinni“

Telur fréttamenn RÚV mótmæla handtöku Assange á fölskum forsendum: „Nokkuð langsótt að þessu sinni“
Eyjan
Fyrir 3 dögum

Segir Sjálfstæðisflokkinn líka vera „skúrkinn,“ sem skjálfi vegna „geltsins“ frá hagsmunaaðilum – „Minnti helst á Chaplin mynd“

Segir Sjálfstæðisflokkinn líka vera „skúrkinn,“ sem skjálfi vegna „geltsins“ frá hagsmunaaðilum – „Minnti helst á Chaplin mynd“
Eyjan
Fyrir 3 dögum

Samningaviðræður um þinglok við Miðflokkinn sagðar stranda á Bjarna Benediktssyni

Samningaviðræður um þinglok við Miðflokkinn sagðar stranda á Bjarna Benediktssyni
Eyjan
Fyrir 4 dögum

Laugavegur verður öfugur: Keyrt verður upp Laugaveginn – Já, upp Laugaveginn!

Laugavegur verður öfugur: Keyrt verður upp Laugaveginn – Já, upp Laugaveginn!
Eyjan
Fyrir 4 dögum

Davíð Stefánsson: Forsenda óbreyttra lífsgæða Íslendinga er milljarður á viku

Davíð Stefánsson: Forsenda óbreyttra lífsgæða Íslendinga er milljarður á viku