fbpx
Föstudagur 22.mars 2019
Eyjan

Forstjórar íhuga málssókn gegn ríkinu: „Það er gríðarlega mikil óánægja meðal manna“

Ritstjórn Eyjunnar
Fimmtudaginn 12. júlí 2018 08:34

Gissur Pétursson, forstjóri Vinnumálastofnunar og formaður FFR

Ekki missa af Helstu tíðindum dagsins í pósthólfið þitt

Lesa nánar

Sumir þeirra forstjóra sem heyrðu undir kjararáð, íhuga nú að stefna ríkinu vegna hinstu launahækkunar kjararáðs, þar sem 48 forstjórar fengu launahækkun á bilinu 2-20 prósent. Kjararáð hætti störfum um síðustu mánaðarmót og lét það verða sitt síðasta verk að veita 48 forstjórum og forstöðumönnum ríkisstofnana launahækkun á einu bretti, en meðaltalshækkunin var 11 prósent.

Sú stjórnsýsla var harðlega gagnrýnd af Gissuri Péturssyni, forstjóra Vinnumálastofnunar, en hann er einnig formaður Félags forstöðumanna ríkisins.

Haft er eftir Gissuri í Fréttablaðinu í dag að verið sé að íhuga málshöfðun, þar sem sumir forstjórar fengu litla sem enga hækkun:

„Það er gífurleg óánægja í hópnum og við vitum ekki alveg hvernig við eigum að koma henni frá okkur eða hver tekur við henni eftir að ráðið var lagt niður. Við vitum eiginlega ekki hvers konar afgreiðsla þetta var. Við höfum ekkert fengið í hendurnar nema ákvörðunina sem birt var, engan frekari rökstuðning. Einhverjir eru á mörkum þess að vilja stefna ríkinu eða fjármálaráðherra þar sem kjararáð hefur verið lagt niður. Menn eru að velta því fyrir sér hvernig sé best að snúa sér í því. Það er sennilegast að einhver reyni að sækja bætur vegna málsmeðferðarinnar því háttsemi kjararáðs er brot á öllum stjórnsýsluaðferðum- og reglum sem stofnanirnar, sem við erum að stýra, þurfa að nota og beita. Það er gríðarlega mikil óánægja meðal manna og þá sérstaklega meðal þeirra sem enga afgreiðslu fengu eða báru skarðan hlut frá borði. Menn kunna ekki skýringu á þessum vinnubrögðum eða hvað þau eiga að fyrirstilla,“

segir Gissur við Fréttablaðið.

Ekki er ljóst hvort einstakir félagsmenn höfði mál hver fyrir sig, eða allir saman í nafni félagsins.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Í gær

Neita að skrifa undir skýrsluna: „Sorglegt að hlusta á villandi og rangan málflutning í ræðustóli Alþingis“

Neita að skrifa undir skýrsluna: „Sorglegt að hlusta á villandi og rangan málflutning í ræðustóli Alþingis“
Eyjan
Í gær

Hannes „styrkjasnillingur“ svarar „gamansögu“ Helga: Stendur uppi sem samningaglópur

Hannes „styrkjasnillingur“ svarar „gamansögu“ Helga: Stendur uppi sem samningaglópur
Eyjan
Í gær

Björn Bjarnason svarar Sólveigu Önnu: „Já, þetta er „ótrúlega klikkað“

Björn Bjarnason svarar Sólveigu Önnu: „Já, þetta er „ótrúlega klikkað“
Eyjan
Í gær

Ragnar Þór tekur við af Guðbrandi sem formaður

Ragnar Þór tekur við af Guðbrandi sem formaður
Eyjan
Fyrir 2 dögum

Seðlabankastjóri veit ekki hvort útreikningarnir í Samherjamálinu séu réttir eða rangir

Seðlabankastjóri veit ekki hvort útreikningarnir í Samherjamálinu séu réttir eða rangir
Eyjan
Fyrir 2 dögum

Örn baunar á verkalýðshreyfinguna og Alþingismenn: „Synd að segja að hinar sveru gráður hafi aukið greind þeirra“

Örn baunar á verkalýðshreyfinguna og Alþingismenn: „Synd að segja að hinar sveru gráður hafi aukið greind þeirra“