fbpx
Föstudagur 22.mars 2019
Eyjan

Hækkanir hámarksábyrgða hjá Ábyrgðarsjóði launa: „Felur í sér mikla bót fyrir launafólk“

Ritstjórn Eyjunnar
Miðvikudaginn 13. júní 2018 16:45

Ásmundur Einar Daðason

Ekki missa af Helstu tíðindum dagsins í pósthólfið þitt

Lesa nánar

Ásmundur Einar Daðason, félags- og jafnréttismálaráðherra, hefur sett reglugerð sem kveður á um 64% hækkun hámarksgreiðslu vegna kröfu launamanns um um vinnulaun og bætur vegna launamissis og vangreidds orlofs. Hækkunin er liður í aðgerðum ríkisstjórnarinnar í þágu félagsleg stöðugleika í tengslum við mat á kjarasamningum á almennum vinnumarkaði.

„Þessi hækkun felur í sér mikla bót fyrir launafólk komi til gjaldþrots atvinnurekanda. Það er fólki jafnan mikið áfall að missa vinnuna, hvað þá ef afkoma þess er í uppnámi, nánast á fyrsta degi eftir atvinnumissinn. Þessi aðgerð og sömuleiðis tæplega 19% hækkun atvinnuleysisbóta sem tók gildi 1. maí síðastliðinn hefur mikla þýðingu fyrir fólk sem lendir í erfiðri stöðu á vinnumarkaði og missir vinnuna af einhverjum ástæðum“

segir Ásmundur Einar Daðason, félags- og jafnréttismálaráðherra.

Ábyrgðasjóður launa ábyrgist greiðslu á kröfum um vangoldin laun, bætur vegna slita á ráðningarsamningi, orlof, bætur vegna vinnuslysa og lífeyrisiðgjöld sem gerðar eru í bú vinnuveitenda sem orðið hafa gjaldþrota. Hámarksábyrgð er á kröfum launamanna um vinnulaun og bætur vegna launamissis í allt að þrjá mánuði og einnig á greiðslum vegna vangreidds orlofs.

Með reglugerðinni hækka hámarksgreiðslur vegna kröfu launamanna um vinnulaun og bætur vegna launamissis í allt að þrjá mánuði úr Ábyrgðasjóði launa úr 385 þúsund krónum í 633 þúsund krónur á mánuði. Hámarksábyrgð sjóðsins vegna tryggingar á greiðslu orlofs hækkar úr 617 þúsund krónum í 1.014 þúsund krónur.

Hækkuninn tekur gildi 1. júlí næstkomandi.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Í gær

Neita að skrifa undir skýrsluna: „Sorglegt að hlusta á villandi og rangan málflutning í ræðustóli Alþingis“

Neita að skrifa undir skýrsluna: „Sorglegt að hlusta á villandi og rangan málflutning í ræðustóli Alþingis“
Eyjan
Í gær

Hannes „styrkjasnillingur“ svarar „gamansögu“ Helga: Stendur uppi sem samningaglópur

Hannes „styrkjasnillingur“ svarar „gamansögu“ Helga: Stendur uppi sem samningaglópur
Eyjan
Í gær

Björn Bjarnason svarar Sólveigu Önnu: „Já, þetta er „ótrúlega klikkað“

Björn Bjarnason svarar Sólveigu Önnu: „Já, þetta er „ótrúlega klikkað“
Eyjan
Í gær

Ragnar Þór tekur við af Guðbrandi sem formaður

Ragnar Þór tekur við af Guðbrandi sem formaður
Eyjan
Fyrir 2 dögum

Seðlabankastjóri veit ekki hvort útreikningarnir í Samherjamálinu séu réttir eða rangir

Seðlabankastjóri veit ekki hvort útreikningarnir í Samherjamálinu séu réttir eða rangir
Eyjan
Fyrir 2 dögum

Örn baunar á verkalýðshreyfinguna og Alþingismenn: „Synd að segja að hinar sveru gráður hafi aukið greind þeirra“

Örn baunar á verkalýðshreyfinguna og Alþingismenn: „Synd að segja að hinar sveru gráður hafi aukið greind þeirra“