fbpx
Mánudagur 25.mars 2019
Eyjan

Valdarán í Simbabve – Mugabe handtekinn -Engir íslendingar taldir á svæðinu

Trausti Salvar Kristjánsson
Miðvikudaginn 15. nóvember 2017 14:15

Ekki missa af Helstu tíðindum dagsins í pósthólfið þitt

Lesa nánar

Robert Mugabe hefur setið sem forseti Simbabve frá árinu 1987. Mynd/Getty images

Herinn í Simbabve hefur handtekið hinn 93 ára Robert Mugabe, forseta Simbabve og sett hann í stofufangelsi.
Að sögn talsmanna hersins beinast aðgerðirnar gegn spilltum aðstoðarmönnum forsetans, sem herinn kallar glæpamenn og aðeins sé verið að vernda forsetann.

Samkvæmt Urði Gunnarsdóttur, fjölmiðlafulltrúa utanríkisráðuneytisins er ekki vitað um neina íslendinga á svæðinu:

 

 

„Okkur er ekki kunnugt um neina Íslendinga í Zimbabwe og við erum ekki með nein þróunarverkefni þar.
Ráðuneytið fylgist grannt með þróun mála.“

 

Víst má telja að aðgerðirnar séu liður í því að koma Emmerson Mnangagwa til valda, en Mugabe rak hann úr embætti varaforseta nýlega fyrir meinta óvirðingu, svik og leynimakk, að sögn Simon Moyo upplýsingaráðherra Simbabve. Hinsvegar telja stjórnmálaskýrendur ljóst að hin raunverulega ástæða að baki brottvikningunni hafi verið áætlun Mugabe að koma konu sinni Grace, til valda.

Herinn er nú mjög sýnilegur á götum Harare, höfuðborgar Simbabve. Útvarps- og sjónvarpsstöðvar hafa verið herteknar og allt útlit fyrir að um augljósa valdaránstilburði sé að ræða.

Mugabe hefur setið á valdastóli frá árinu 1980, fyrst sem forsætisráðherra, en sem forseti frá árinu 1987.
Hann hefur tileinkað sér mikla einræðistilburði og lýst aðdáun sinni á sósíalísku samfélagi en er einna
best þekktur fyrir ofbeldisfulla eignaupptöku lands hvítra og útdeilingu þess til fátækra svartra bænda
milli 1982 og 1985, en talið er að um 10.000 manns hafi látist í átökunum við hina alræmdu 5. herdeild Mugabe.
Þá segja mannréttindasamtök að Mugabe sé ábyrgur fyrir dauða 3-6 milljón þegna sinna.

 

Heimild: The Guardian

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Silja Bára nýr formaður Jafnréttisráðs

Silja Bára nýr formaður Jafnréttisráðs
Eyjan
Fyrir 3 dögum

Viðræður hafnar á nýjan leik á milli WOW air og Icelandair – Öll sund að lokast hjá WOW air

Viðræður hafnar á nýjan leik á milli WOW air og Icelandair – Öll sund að lokast hjá WOW air
Eyjan
Fyrir 3 dögum

Segir hörð átök innan Sjálfstæðisflokksins leiða til klofnunar: „Stór hópur flokksmanna mun ekki fyrirgefa“

Segir hörð átök innan Sjálfstæðisflokksins leiða til klofnunar: „Stór hópur flokksmanna mun ekki fyrirgefa“
Eyjan
Fyrir 3 dögum

Bændur forviða á sýklalyfjaónæmi í íslensku sauðfé:  „Eitthvað sem maður gerði ekki ráð fyrir“

Bændur forviða á sýklalyfjaónæmi í íslensku sauðfé:  „Eitthvað sem maður gerði ekki ráð fyrir“