fbpx
Mánudagur 22.júlí 2019  |
Eyjan

Innviðir skapa tækifæri í landsbyggðum

Ritstjórn Eyjunnar
Föstudaginn 27. október 2017 11:00

Ekki missa af Helstu tíðindum dagsins í pósthólfið þitt

Lesa nánar

Höfundur greinar er Edward H. Huijben, varaformaður Vinstri grænna og skipar fjórða sæti á lista VG í NA-kjördæmi.

Íbúum fækkar og sérstaklega ungu fólki. Það er sá raunveruleiki sem blasir við mörgum svæðum í landsbyggðum Íslands. Löngum þótti móðins að leysa það með virkjun og verksmiðju. Góð blanda af þessu tvennu, því stærri því betri, átti allan vanda að leysa. Sem betur fer virðist fólk almennt horfið frá þeirri stefnu, enda skapar hún helst tímabundin störf við uppbyggingu og svo störf við verksmiðjuna sjálfa og fá önnur nema helst tengd viðhaldi framleiðslunnar.

Forsendur byggðafestu

Til að skapa tækifæri og byggðafestu á landsbyggðum er öflugasta lausnin að treysta fólki sjálfu til að skapa sér tækifæri í hnattvæddum heimi örra breytinga. Til að þessi tækifæri geti raungerst þarf trausta og góða innviði. Fjarskipti, vegi, flug og rafmagn leika þar lykilhlutverk. Trausta byggðalínu rafmagns þarf allan hringinn, sem býður tækifæri á þriggja fasa rafmagni hvort sem það er fyrir frumkvöðla í Berufirði eða hleðslustöðvar rafbíla. Ljósleiðari þarf að fylgja þeim byggðarhring, svo allir komist í gott og áreiðanlegt net. Vegir þurfa að vera góðir, malbikaðir og þeim vel við haldið og samgöngur á landi tengdar öðrum samgöngumátum s.s. flugi sem er reglubundið og vel tengt við t.d. millilandaflug. Flugið geta þá t.d. ferðamenn borið uppi fyrir okkur, líkt og þeir gera nú þegar til dæmis er kemur að gríðarmiklu úrvali millilandaflugs sem við Íslendingar getum valið úr frá Keflavík.

Nauðsynlegt að fjármagna uppbyggingu

Vissulega kostar þetta sitt. Þegar landið nútímavæddist á þriðja og fjórða áratug síðustu aldar var ráðist í stórvirki engu minni en þessi. Við lukum hringveginum þegar aðeins rúmlega 210.000 manns byggðu landið. Það eru til peningar í þetta, en þá þarf að sækja. Við í VG höfum talað fyrir því að leggja á auðlindaskatt í takt við afkomu fyrirtækja. Við höfum líka talað fyrir því að það sé ekki nema sanngjarnt að þær 20.000 fjölskyldur sem eiga 62% af auði landsmanna borgi meira til samfélagsins. Þá viljum við jafnframt sækja þetta fé til Panama og skyldra staða. Það fé fer í innviði sem skapa öllum landsmönnum frelsi til athafna og tækifæri til að blómstra þar sem þeir kjósa að búa.

Höfundur er Edward H. Huijben, varaformaður Vinstri grænna og skipar fjórða sæti á lista VG í NA-kjördæmi.

Birtist fyrst í Akureyri vikublað.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Vilhjálmur Birgisson er ósáttur: „Hvar er fjármálaeftirlitið núna?“ -„Ættu að sjá manndóm í sér og biðja þau öll afsökunar“

Vilhjálmur Birgisson er ósáttur: „Hvar er fjármálaeftirlitið núna?“ -„Ættu að sjá manndóm í sér og biðja þau öll afsökunar“
Eyjan
Fyrir 2 dögum

Neytendasamtökin fordæma Almenna innheimtu: „Vextir á smálánum eru margfalt hærri en heimilt er samkvæmt lögum“

Neytendasamtökin fordæma Almenna innheimtu: „Vextir á smálánum eru margfalt hærri en heimilt er samkvæmt lögum“
Eyjan
Fyrir 3 dögum

Brynjar: „Of langt gengið að krefjast þess að erlendir jarðakaupendur búi hérlendis“

Brynjar: „Of langt gengið að krefjast þess að erlendir jarðakaupendur búi hérlendis“
Eyjan
Fyrir 3 dögum

Segir Óla Björn tala í anda Trump og sakar hann um tvískinnung: „Hann verður að leggja sig miklu betur fram“

Segir Óla Björn tala í anda Trump og sakar hann um tvískinnung: „Hann verður að leggja sig miklu betur fram“