fbpx
Sunnudagur 19.maí 2019
Eyjan

Jón hafnar uppnámi hjá Kynnisferðum: „Var sannarlega ekki á staðnum“

Ari Brynjólfsson
Fimmtudaginn 17. ágúst 2017 16:53

Ekki missa af Helstu tíðindum dagsins í pósthólfið þitt

Lesa nánar

Jón Gunnsteinn Hjálmarsson endurskoðandi. Samsett mynd/DV

Jón Gunnsteinn Hjálmarsson lét af störfum sem stjórnarformaður Kynnisferða ehf. fyrir skemmstu. Segir hann að þar sem hann hafi látið af störfum sem framkvæmdastjóri Alfa hf., stærsta eiganda Kynnisferða ehf., þá hafi hann eðli máls samkvæmt sagt sig úr öllum stjórnum sem tengdust félaginu.

Ástæða þess að Jón Gunnsteinn lét af störfum hefur verið sögð vera óánægja með tilboð Kynnisferða í aðstöðu fyrir flugrútuna við Flugstöð Leifs Eiríkssonar og það hafi leitt til uppnáms á stjórnarfundi fyrr í vikunni. Jón Gunnsteinn hafnar þessu alfarið í samtali við Eyjuna:

Ég lét af störfum sem framkvæmdastjóri eignarhaldsfélagsins Alfa hf. nýverið og í kjölfar þess sagði ég mig úr öllum þeim stjórnum sem tengjast félaginu á föstudaginn síðastliðinn. Samtals voru þetta 13 stjórnir sem ég sagði mig úr. Ef það hefur verið haldinn fundur í Kynnisferðum í vikunni þá vissi ég ekki af honum og var sannarlega ekki á staðnum,

segir Jón Gunnsteinn. Varðandi tilboðið í aðstöðu við flugstöðina þá segir Jón það af og frá að hann hafi einn staðið að tilboðinu, málið hafi verið afgreitt á stjórnarfundi Kynnisferða hinn 22. júní síðastliðinn:

Það var einróma niðurstaða allra 5 stjórnarmanna félagsins að bjóða 41,2% af veltu fyrir aðstöðuna. Tilboðin voru opnuð 18. júlí síðastliðinn og kom þá í ljós að Kynnisferðir áttu hæsta boð. Allar upplýsingar um þetta útboð eru opinber gögn. Brotthvarf mitt úr stjórn Kynnisferða tengist þessu máli ekki á nokkurn hátt.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Siðapostular Alþingis: Ásökun um fjárdrátt trompar ásakanir um þjófnað og kynferðislega áreitni

Siðapostular Alþingis: Ásökun um fjárdrátt trompar ásakanir um þjófnað og kynferðislega áreitni
Eyjan
Fyrir 2 dögum

Strætó fengið yfir 26 milljarða í styrki frá árinu 2012 – Notkunin stendur í stað

Strætó fengið yfir 26 milljarða í styrki frá árinu 2012 – Notkunin stendur í stað
Eyjan
Fyrir 3 dögum

Áslaug Arna: „Ég vil verða forsætisráðherra“

Áslaug Arna: „Ég vil verða forsætisráðherra“
Eyjan
Fyrir 3 dögum

Forsetahjón taka þátt í aldarafmæli þjóðræknisfélaga í Vesturheimi

Forsetahjón taka þátt í aldarafmæli þjóðræknisfélaga í Vesturheimi
Eyjan
Fyrir 3 dögum
Ríki í ríkinu